فوتو: اقوردا
پرەزيدەنت تٷرلٸ سالادا تابىستى ەڭبەك ەتٸپ جٷرگەن بٸر توپ قىز-كەلٸنشەككە جوعارى مەملەكەتتٸك ناگرادالار تاپسىردى, - دەپ حابارلايدى اقوردا.
"قازاقستاننىڭ ەڭبەك سٸڭٸرگەن قۇرىلىسشىسى", "قازاقستاننىڭ ەڭبەك سٸڭٸرگەن ٶنەركەسٸپ قايراتكەرٸ" قۇرمەتتٸ اتاقتارى العاش رەت تابىستالدى.
"ەلەمدٸك دودالاردا توپ جارىپ, ەلٸمٸزدٸڭ ابىرويىن اسقاقتاتىپ جٷرگەن ارۋلارىمىز دا بار.
بٸز قاجىرلى ەڭبەگٸمەن, ەرەن ەرلٸگٸمەن تانىلعان قىز-كەلٸنشەكتەردٸ ماقتان تۇتامىز. تەۋەلسٸزدٸك جىلدارى ٶز سالاسىنىڭ ٷزدٸگٸ اتانعان 8 ەيەلگە "قازاقستاننىڭ ەڭبەك ەرٸ" اتاعى بەرٸلدٸ.
بيىل ەلٸمٸزدە – "جۇمىسشى ماماندىقتارى جىلى". قازٸر وسى سالاداعى بٸلٸكتٸ مامانداردىڭ مەرتەبەسٸن كٶتەرۋ ٷشٸن بەلسەندٸ جۇمىس جٷرگٸزٸلٸپ جاتىر. مىسالى, مەملەكەتتٸك ماراپاتتار جٷيەسٸنە جاڭادان 9 قۇرمەتتٸ اتاق ەنگٸزٸلدٸ. بٷگٸن وسىنداي ەكٸ ماراپات العاش رەت تاپسىرىلادى.
"قازاقستاننىڭ ەڭبەك سٸڭٸرگەن قۇرىلىسشىسى" اتاعى ەڭبەك ارداگەرٸ ولگا شەلۋدكوعا بەرٸلەدٸ.
ال ٶندٸرٸس وزاتى مايرا ەرمانوۆا "قازاقستاننىڭ ەڭبەك سٸڭٸرگەن ٶنەركەسٸپ قايراتكەرٸ" اتانىپ وتىر.
وسىنداي ناعىز ەڭبەك ادامدارىنا بٷكٸل ەل بولىپ قۇرمەت كٶرسەتٸپ, ولاردى جان-جاقتى دەرٸپتەۋٸمٸز كەرەك. جۇمىسشى ماماندىقتارى جىلىنىڭ تٷپكٸ مەنٸ دە – وسى", - دەدٸ مەملەكەت باسشىسى.
