قازاقستان ٶز اۋماعىندا اەس سالماي-اق, وسىنداي جوبانى قولعا العان كٶرشٸ ەلدەرگە يادرولىق وتىن ساتۋ ارقىلى قاجەتتٸ ەنەرگييانى بارتەرلٸك نەگٸزدە الۋعا بولماي ما? قر ەنەرگەتيكا مينيسترلٸگٸنٸڭ ماماندارىنا ورتالىق كوممۋنيكاتسييالار قىزمەتٸندە ٶتكەن بريفينگٸدە وسىنداي سۇراق قويىلدى, دەپ حابارلايدى قازاقپارات.
ەنەرگەتيكا مينيسترلٸگٸ ەلەكتر ەنەرگەتيكاسىن دامۋ دەپارتامەنتٸنٸڭ ديرەكتورى ايدوس دەرٸباەۆتىڭ سٶزٸنە قاراعاندا, مۇنداي بارتەرلٸك كەلٸسٸم قازاقستانعا ەلەكتر تاپشىلىعى بولمايدى دەگەن كەپٸلدٸك بەرە المايدى.
«بٸز ەلەكتر ەنەرگيياسىن يمپورتتايتىن بولساق, تەۋەلدٸلٸككە تاپ بولامىز. بٸزدٸڭ ۇلتتىق قاۋٸپسٸزدٸگٸمٸزگە زييانى تيەدٸ. بٸز 2035 جىلعا دەيٸنگٸ ەنەرگەتيكالىق تەڭگەرٸم تۇجىرىمداماسىن دايىنداعان كەزدە ٶزٸمٸزدٸڭ ەكونوميكامىزدىڭ قاجەتتٸلٸگٸن تولىق قامتاماسىز ەتۋ ٷشٸن قانشا قۋات كٶزٸن سالۋ كەرەكتٸگٸن بەلگٸلەدٸك. سول مٷمكٸندٸككە جەتكٸزۋ ٷشٸن جۇمىس ٸستەيمٸز. ٶيتكەنٸ ەر تٷرلٸ جاعدايلار بولۋى مٷمكٸن. قازاقستان رەسپۋبليكاسى ٶز الدىنا جۇمىس ٸستەيتٸن ۋاقىت بولسا, ٶزٸمٸز تۇتىناتىن ەنەرگييانى تولىعىمەن ٶزٸمٸز ٶندٸرۋٸمٸز كەرەك», - دەدٸ مامان.
ال اتوم ەنەرگەتيكاسى جەنە ٶنەركەسٸبٸ دەپارتامەنتٸنٸڭ ديرەكتورى جاسلان قاسەنوۆتىڭ ايتۋىنشا, ۋران نارىعىنىڭ ٶز ەرەجەلەرٸ بار.
«رەاكتوردى ورناتىپ بەرەتٸن تاراپ پەن تەحنولوگييانى تۇتىنۋشى تاراپ كەلٸسسٶز كەزٸندە وتىندى قايدان الاتىنىن الدىن الا بەكٸتٸپ الادى. سوندىقتان سٸز ايتىپ وتىرعان ٶزبەكستاندا اەس سالۋ كەلٸسسٶزٸ بويىنشا وتىن مەسەلەسٸ دە شارتقا ەنٸپ قويدى دەپ توپشىلايمىن. تٸپتٸ ۋران بەرۋ ارقىلى ٶزگە ەلدەن اتوم ەنەرگيياسىن پايدالاندىق دەگەن كٷننٸڭ ٶزٸندە قاۋٸپسٸزدٸك مەسەلەسٸ بار. يە, بٸز ۋران جەتكٸزٸپ تۇرۋىمىز مٷمكٸن. بٸراق ەلەكتر قۋاتى بويىنشا بەرٸبٸر تەۋەلدٸ بولامىز. ۋران نارىعى قازاقستانمەن عانا شەكتەلمەيدٸ. قازٸر ول بيرجا الاڭدارى ارقىلى ساتىلادى», - دەدٸ ايدوس دەرٸباەۆ.
