قر پارلامەنتٸ سەناتىنىڭ حالىقارالىق قاتىناستار, قورعانىس جەنە قاۋٸپسٸزدٸك كوميتەتٸ «قازاقستانداعى ومبۋدسمەن ينستيتۋتى: پروبلەمالارى مەن پەرسپەكتيۆالارى» تاقىرىبىنا ارنالعان دٶڭگەلەك ٷستەل ٶتكٸزدٸ, دەپ حابارلايدى "ۇلت اقپارات" سەناتتىڭ باسپاسٶز قىزمەتٸنە سٸلتەمە جاساپ.
شاراعا سەنات پەن مەجٸلٸس دەپۋتاتتارى, مەملەكەتتٸك ورگانداردىڭ, ۇلتتىق قۇقىق قورعاۋ ينستيتۋتتارىنىڭ, حالىقارالىق ۇيىمداردىڭ, عىلىمي قاۋىمداستىق پەن ازاماتتىق سەكتوردىڭ ٶكٸلدەرٸ قاتىستى.
دٶڭگەلەك ٷستەل بارىسىندا قر پرەزيدەنتٸ قاسىم-جومارت توقەۆتىڭ باستاماسى بويىنشا قر ادام قۇقىقتارى جٶنٸندەگٸ ۋەكٸل تۋرالى ارنايى زاڭ قابىلداۋ ارقىلى قۇقىق قورعاۋ سالاسىن جەتٸلدٸرۋ مەسەلەلەرٸ تالقىلاندى.
قر پارلامەنتٸ سەناتى تٶراعاسىنىڭ ورىنباسارى اسقار شەكٸروۆ وتىرىستى اشا كەلٸپ, زاڭ جوباسىن ەزٸرلەۋشٸلەر ٶز جۇمىسىندا حالىقارالىق وڭ تەجٸريبەنٸ جەنە بارشاعا مويىندالعان ستاندارتتاردى, اتاپ ايتقاندا پاريج جەنە ۆەنەتسييا قاعيداتتارىن باسشىلىققا العانىن اتاپ ٶتتٸ.
ومبۋدسمەنگە اۋقىمدى ٶكٸلەتتٸكتەر مەن ارتىقشىلىقتار بەرٸلۋٸ سونىمەن بٸرگە مەدياتوردىڭ قوعام مەن بيلٸك اراسىنداعى ادام قۇقىقتارىنا قاتىستى جاعدايدى ەدٸل جەنە كەسٸبي باعالاۋعا قابٸلەتتٸ ورىنعا يە بولۋىن كٶزدەيدٸ.
«بۇل زاڭنىڭ قابىلدانۋىن ەلٸمٸزدە جٷرگٸزٸلٸپ جاتقان ساياسي جاڭعىرتۋ مەن ليبەرالدىق باعىت تۇرعىسىنان قاراعان جٶن. جاقىندا مەملەكەت باسشىسى شىعارعان «ادام قۇقىقتارى سالاسىنداعى ودان ارعى شارالار تۋرالى» جارلىق وسى سالانىڭ مەملەكەت ٷشٸن باسىمدىعىن كٶرسەتەدٸ», - دەپ اتاپ ٶتتٸ سەنات تٶراعاسىنىڭ ورىنباسارى.
نەگٸزگٸ بايانداما جاساعان سەناتور قايرات قوجامجاروۆ قاتىسۋشىلاردى زاڭ جوباسىنىڭ نەگٸزگٸ ەرەجەلەرٸمەن تانىستىردى.
اتاپ ايتقاندا, ومبۋدسمەننٸڭ مەرتەبەسٸن نىعايتۋ, ونىڭ تەۋەلسٸزدٸگٸ مەن تيٸسپەۋگە كەپٸلدٸك بەرۋ, شاعىمداردى قاراۋ كەزٸندەگٸ ونىڭ ٶكٸلەتتٸكتەرٸن كەڭەيتۋ, ٶڭٸرلٸك ٶكٸلدٸكتەردٸ قۇرۋ, سونداي-اق ينستيتۋتتىڭ قارجىلىق دەربەستٸگٸن قامتاماسىز ەتۋ اتاپ ٶتٸلدٸ.
ق.قوجامجاروۆتىڭ پٸكٸرٸنشە, «جالپى, زاڭ جوباسى قازاقستان رەسپۋبليكاسىنداعى ادام قۇقىقتارى جٶنٸندەگٸ ۋەكٸل ينستيتۋتىنىڭ قۇقىق قورعاۋ فۋنكتسييالارىن كٷشەيتەدٸ».
جان-جاقتى پٸكٸر الماسۋ اياسىندا پارلامەنتارالىق وداقتىڭ ۆيتسە-پرەزيدەنتٸ اكمال سايدوۆ, قر ادام قۇقىقتارى جٶنٸندەگٸ ۋەكٸل ەلۆيرا ەزٸموۆا, قازاقستانداعى ادام قۇقىقتارى جەنە زاڭدىلىقتى ساقتاۋ جٶنٸندەگٸ حالىقارالىق بيۋرونىڭ ديرەكتورى ەۆگەنيي جوۆتيس, بۇۇ-نىڭ ادام قۇقىقتارى جٶنٸندەگٸ جوعارعى كوميسسارى باسقارماسىنىڭ ورتالىق ازيياداعى ٶڭٸرلٸك ٶكٸلٸ ريشارد كومەندا جەنە باسقالار سٶز سٶيلەدٸ.
حالىقارالىق جەنە وتاندىق قۇقىق قورعاۋ قوعامداستىعىنىڭ ٶكٸلدەرٸ وسى سالاداعى زاڭناما جاڭالىقتارىن جوعارى باعالادى.
بۇل زاڭ جوباسى بۇدان بۇرىن قر ادام قۇقىقتارى جٶنٸندەگٸ ۋەكٸل جانىنداعى ساراپشىلىق كەڭەسٸ اياسىندا ساراپتامالىق جەنە عىلىمي قوعامداستىققا ۇسىنىلعان بولاتىن, وندا بٸرقاتار ۇسىنىستار ايتىلىپ, كەيٸننەن زاڭ جوباسىنىڭ مەتٸنٸندە كٶرٸنٸس تاپقتى.
دٶڭگەلەك ٷستەلگە تٶراعالىق ەتكەن حالىقارالىق قاتىناستار, قورعانىس جەنە قاۋٸپسٸزدٸك كوميتەتٸنٸڭ تٶراعاسى مۇحتار قۇل-مۇحاممەد: «قازٸرگٸ ۋاقىتتا زاڭ جوباسى بويىنشا قۇقىقتىق, لينگۆيستيكالىق جەنە سىبايلاس جەمقورلىققا قارسى ساراپتاما الىندى. سونىمەن بٸرگە زاڭ جوباسى ٷكٸمەتتٸڭ قاراۋىنا جٸبەرٸلٸپ, ونى جارييا تالقىلاۋ ٷشٸن قر پارلامەنتٸ سەناتىنىڭ سايتىنا ورنالاستىرىلدى», - دەدٸ.
