قازاقستاندا 420 مىڭنان استام ادام ۆاكتسينانىڭ 2 دوزاسىن الدى. بۇل تۋرالى قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى "ۇلت اقپارات".
«ٶزدەرٸڭٸز دە بٸلەسٸزدەر, قازاقستاندا ۆاكتسيناتسييا وسى جىلدىڭ اقپانىندا باستالدى. بٷگٸندە قازاقستاندىقتارعا 2,3 ملن دوزا ۆاكتسيناتسيياعا قولجەتٸمدٸلٸك قامتاماسىز ەتٸلگەن. 1 سەۋٸردەن باستاپ ۆاكتسيناتسييا قارقىنىن 12 ەسەگە ارتتىرىپ, ياعني, تەۋلٸگٸنە 11 مىڭنان بٷگٸندە 135 مىڭعا جەتكٸزٸپ وتىرمىز. قازٸرگٸ ۋاقىتتا بٸزدە بٸزدە ٷش ۆاكتسينا بار جەنە ازاماتتارعا تاڭداۋ مٷمكٸندٸگٸ بەرٸلٸپ وتىر. ولار - «سپۋتنيك V», QazVac جەنە Hayat Vaح. ۆاكتسينالار قازاقستاننىڭ بارلىق ٶڭٸرٸندە قولجەتٸمدٸ», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
مينيستردٸڭ اتاپ ٶتۋٸنشە, بٷگٸنگە دەيٸن 1 507 389 ازامات ۆاكتسينانىڭ 1-كومپونەنتٸن, 422 279 ادام 2-كومپونەنتٸن الدى. سونىمەن قاتار ول ەلٸمٸزدٸڭ بارلىق مەديتسينالىق ۇيىمدارىن قاجەتتٸ تەمپەراتۋرا رەجيمٸمەن قامتاماسىز ەتۋ, مۇزداتقىش جابدىقتارىن ساتىپ الۋ بويىنشا اۋقىمدى جۇمىس جٷرگٸزٸلگەندٸگٸن اتاپ ٶتتٸ.
«ەڭ ماڭىزدىسى موبيلدٸ ەكپە جاساۋ بريگاداسى وقىتىلدى. قازٸرگٸ ۋاقىتتا شامامەن 11 مىڭ مەديتسينا قىزمەتكەرٸ ۆاكتسيناتسييا پروتسەسٸن قامتاماسىز ەتۋدە. ەلٸمٸزدە 1,4 مىڭ ەگۋ پۋنكتٸ قۇرىلدى. ونىڭ ٸشٸندە 400-ٸ كٶشپەلٸ پۋنكت. ولار ەڭبەك ۇجىمدارىنا, ساۋدا ٷيلەرٸنە, ٸرٸ ساۋدا ورتالىقتارىنا بارىپ ەكپە جاسايدى. سوندىقتان دا ۆاكتسيناتسييالاۋ بارىسى قارقىندى جٷرگٸزٸلٸپ جاتىر دەپ ايتا الامىز. ەل تۇرعىندارىنىڭ ۆاكتسيناعا دەگەن سەنٸمٸ دە ارتىپ كەلەدٸ», - دەدٸ الەكسەي تسوي.
