بيىل ەلٸمٸزدە جاڭادان 39 سۋ قويمايسى سالىنادى. بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ مەلٸم ەتتٸ, دەپ حابارلايدى قازاقپارات.
«بيىل قازگيدرومەتپەن بٸرلەسٸپ ٶزەن جەنە سۋ تاسقىنى اعىندارىنىڭ كٶلەمٸنە تالداۋ جٷرگٸزدٸك. سونداي-اق, ەلٸمٸزدٸڭ 9 ٶڭٸرٸندە جالپى كٶلەمٸ 3,6 ملرد كۋب كم بولاتىن 39 جاڭا سۋ قويماسىن سالۋ جوسپارلانعان. ودان بٶلەك, بيىل تٷركٸستان وبلىسىنداعى كەڭساي-قوسقورعان سۋ قويماسىنىڭ قۇرىلىسى اياقتالادى. جاڭا سۋ قويمالارىن سالۋ 70 ەلدٸ مەكەن ٷشٸن سۋ تاسقىنى قاۋپٸن ازايتۋعا, 394 مىڭ گەكتار جاڭا سۋارمالى جەردٸ اينالىمعا ەنگٸزۋگە جەنە اۋىل شارۋاشىلىعىندا 129 مىڭنان استام جۇمىس ورىندارىن قۇرۋعا مٷمكٸندٸك بەرەدٸ», - دەدٸ ماعزۇم مىرزاعاليەۆ ٷەۇ ٶكٸلدەرٸمەن كەزدەسۋ بارىسىندا.
سونىمەن قاتار, مينيستردٸڭ سٶزٸنشە, جاڭا سۋ قويمالارى ترانسشەكارالىق ٶزەن سۋلارىنا تەۋەلدٸ بولماۋعا مٷمكٸندٸك بەرەدٸ.
«بىلتىرعى جىلى تٷركٸستان وبلىسى ماقتاارال اۋدانىندا ۇزىندىعى 12 شاقىرىم بولاتىن «ك-19» ماگيسترالدى كانالىن تسيفرلاندىرۋ بويىنشا پيلوتتىق جوبا ٸسكە اسىرىلدى. كانالدى تسيفرلاندىرۋدىڭ ارقاسىندا سۋ سۋارۋ شامادان 45% پايىزعا كٶپ جۇمسالاتىنى انىقتالدى. وسى ورايدا بيىل تاعى 16 سۋ كانالىن تسيفرلاندىرامىز. وسىلايشا الداعى 5 جىلدىڭ ٸشٸندە ۇزىندىعى 3,3 شاقىرىمنان اساتىن 212 سۋ ارناسىن تسيفرلاندىرۋ جوسپاردا بار. وسى ٸس-شارالاردى ٸسكە اسىرۋ 2,2 كۋب كم-گە دەيٸن سۋدى ٷنەمدەۋگە مٷمكٸندٸك بەرەدٸ», - دەيدٸ ول.
