فوتو: اشىق دەرەككٶز
2025 جىلدىڭ قورىتىندىسى بويىنشا ەلٸمٸزدە شامامەن 3 مىڭ جەتٸم جەنە اتا-اناسىنىڭ قامقورلىعىنسىز قالعان بالا وتباسىلارعا ورنالاستىرىلدى. بالالاردىڭ قاۋٸپسٸزدٸگٸن قامتاماسىز ەتۋ ماقساتىندا مەملەكەت قامقورشىلاردىڭ سەنٸمدٸلٸگٸن باعالاۋ مەن باقىلاۋدىڭ جاڭا مودەلٸن ەنگٸزدٸ, دەپ حابارلايدى Ult.kz.
سوڭعى 10 جىلداعى ستاتيستيكا ينستيتۋتسيونالدىق ەمەس, ياعني وتباسىلىق تەربيەلەۋ فورمالارىنا كٶشۋ قارقىنىنىڭ ارتقانىن كٶرسەتەدٸ. وسى كەزەڭدە ينتەرناتتىق ۇيىمدار جەلٸسٸ 24%-عا قىسقارىپ, ونداعى تەربيەلەنۋشٸلەر سانى 54%-عا ازايعان.
وتباسىلىق تەربيەنٸ دامىتۋ قورعانشىلىق جەنە قامقورشىلىق ورگاندارى جۇمىسىنىڭ ساپاسىن ارتتىرۋدى تالاپ ەتتٸ. سونىڭ نەتيجەسٸندە اتالعان ورگاندارداعى ماماندار سانى 3,3 ەسەگە ٶسٸپ, 303 قىزمەتكەردەن 1028 مامانعا دەيٸن جەتتٸ. بۇل ەربٸر وتباسىنا جەكە سٷيەمەلدەۋ جٷرگٸزٸپ, بالالاردىڭ ٶمٸر سٷرۋ جەنە تەربيەلەنۋ جاعدايلارىن جان-جاقتى باقىلاۋعا مٷمكٸندٸك بەردٸ.
2025 جىلدان باستاپ زاڭدى ٶكٸلدەردٸ ٸرٸكتەۋ تالاپتارى دا كٷشەيتٸلدٸ. ەندٸ قامقورشىلار جىل سايىن مٸندەتتٸ كەشەندٸ تەكسەرۋدەن ٶتەدٸ. ول تابىس كٶزدەرٸن راستاۋدى, دەنساۋلىق جاعدايىن, تۇرعىن ٷيدٸڭ تالاپقا سەيكەستٸگٸن جەنە سوتتىلىقتىڭ بولماۋىن قامتيدى. قانداي دا بٸر تەۋەكەل فاكتورلارى انىقتالعان جاعدايدا قامقورشىلىق مٸندەتٸنەن دەرەۋ شەتتەتۋ كٶزدەلگەن.
سونىمەن قاتار بالالاردى قولداۋدىڭ بالامالى تەتٸگٸ رەتٸندە تەلٸمگەرلٸك ينستيتۋتى دا دامىپ كەلەدٸ. قازٸرگٸ تاڭدا ەلٸمٸزدٸڭ 20 ٶڭٸرٸندە 360-تان استام تەلٸمگەر جۇمىس ٸستەيدٸ. 2025 جىلدان باستاپ ولار ٷشٸن مٸندەتتٸ كەسٸبي سەرتيفيكاتتاۋ ەنگٸزٸلدٸ. بۇل رەتتە بالانىڭ تۋىستىق بايلانىستارىن ساقتاۋ باستى باسىمدىق رەتٸندە قاراستىرىلادى.
قازٸرگٸ ۋاقىتتا قازاقستاندا جەتٸم جەنە اتا-اناسىنىڭ قامقورلىعىنسىز قالعان 20 798 بالا بار, ولاردىڭ 82 پايىزى وتباسىلىق ورتادا تەربيەلەنٸپ جاتىر.
