قازاقستاندا 3 كەدەن بەكەتٸ قىسقارتىلىپ, «قۇرىق» كەدەن بەكەتٸ مەن «قارا شەكپەن» باقىلاۋ-ٶتكٸزۋ پۋنكتٸ قۇرىلدى. سونداي-اق «تٷركٸستان-كرو» كەدەن بەكەتٸنٸڭ اتى ٶزگەردٸ, دەپ حابارلايدى "ۇلت اقپارات" قر قم مەملەكەتتٸك كٸرٸستەر كوميتەتٸنٸڭ باسپاسٶز قىزمەتٸنە سٸلتەمە جاساپ.
وسىلايشا, كوميتەت دەكلارانتتار مەن كەدەن ٶكٸلدەرٸنٸڭ كەدەندٸك دەكلاراتسييالاردى قايدا تاپسىرۋعا بولاتىن حابارلادى. اتاپ ايتقاندا, مەملەكەتتٸك كٸرٸستەر دەپارتامەنتتەرٸنٸڭ قۇرىلىمىنا مىناداي ٶزگەرٸستەر ەنگٸزٸلگەنٸن حابارلايدى:
1) الماتى قالاسى بويىنشا مكد:
- «المالى - كرو» كەدەن بەكەتٸ قىسقارتىلدى;
2) اقمولا وبلىسى بويىنشا مكد:
- «اتباسار» كەدەن بەكەتٸ قىسقارتىلدى;
3) ماڭعىستاۋ وبلىسى بويىنشا مكد:
- «قاشاعان» كەدەن بەكەتٸ قىسقارتىلدى;
- «مورپورت» ك/ب «قارا شەكپەن» باقىلاۋ-ٶتكٸزۋ پۋنكتٸ قۇرىلدى;
- «قۇرىق» كەدەن بەكەتٸ قۇرىلدى;
4) تٷركٸستان وبلىسى بويىنشا مكد:
- «تٷركٸستان-كرو» كەدەن بەكەتٸ «تٷركٸستان-كرو-ەۋەجاي» كەدەن بەكەتٸ بولىپ قايتا اتالدى.
سونىمەن 2021 جىلعى 14 قاڭتاردان باستاپ قىسقارتىلعان كەدەن بەكەتتەرٸندە كەدەندٸك دەكلاراتسييالاردى بەرۋ مٷمكٸندٸگٸ توقتاتىلادى.
