بيىل قازاقستان جولداردىڭ جاي-كٷيٸن باعالاۋعا ارنالعان ەۋروپالىق باعدارلاما - EuroRAP-تى ٸسكە قوسپاق.
بۇل شارانى قر يندۋسترييا جەنە ينفراقۇرىلىمدىق دامۋ مينيسترلٸگٸ اۆتوموبيل جولدارى كوميتەتٸ دٷنيەجٷزٸلٸك بانكپەن بٸرلەسٸپ جٷزەگە اسىرماق, دەپ حابارلايدى مينيسترلٸكتٸڭ باسپاسٶز قىزمەتٸ.
ددسۇ ەسەبٸ بويىنشا قازاقستانداعى جول-كٶلٸك اپاتتارىنان بولاتىن ٶلٸم-جٸتٸم كٶرسەتكٸشٸ 100 مىڭ كٶلٸك قۇرالىنا شاققاندا 71,8 ادامدى قۇرايدى. ەلٸمٸزدە EuroRAP جٷيەسٸن ەنگٸزۋ اۆتوموبيل جولدارىنداعى قاۋٸپسٸزدٸك دەڭگەيٸن كٶتەرۋگە مٷمكٸندٸك بەرٸپ, جكو سانىنىڭ ازايۋىنا ىقپال ەتپەك.
جولداردىڭ جاي-كٷيٸن باعالاۋعا ارنالعان ەۋروپالىق باعدارلامادا جولداردى ەگجەي-تەگجەيلٸ زەرتتەۋ جەنە مەلٸمەتتەردٸ جيناۋ ٷشٸن ارنايى قۇرىلعىلارمەن جابدىقتالعان كٶلٸكتٸك قۇرالدار, باعدارلامالىق قامتاماسىز ەتۋ قوندىرعىلارى مەن بٸلٸكتٸلٸك كۋرستارىنان ٶتكەن ماماندار جۇمىس ٸستەيدٸ.
باعدارلامادا جولدا بولاتىن 50-دەن استام تٷرلٸ فاكتورعا ەرەكشە كٶڭٸل بٶلٸنگەن. تەكسەرۋ شارالارىنىڭ نەتيجەسٸندە الىنعان مەلٸمەتتەر EuroRAP-تىڭ ۇپايىن باعالاۋ جەنە قاۋٸپسٸز جولدارعا قۇيىلاتىن ينۆەستيتسييالار جوسپارىن نىعايتا تٷسەدٸ.
تۇتاستاي العاندا, 2020 جىلدان باستاپ جول قوزعالىسى قاۋٸپسٸزدٸگٸن كٶتەرۋ باعىتىندا بيۋدجەتتٸ ەگجەي-تەگجەيلٸ ەزٸرلەۋمەن قوسا, رەسپۋبليكالىق ماڭىزى بار اۆتوموبيل جولدارىنىڭ 5 مىڭنان استام جەنە قالالارداعى كٶشەلەردٸڭ 1000 شاقىرىمىندا EuroRAP جول ينفراقۇرىلىمى قاۋٸپسٸزدٸگٸن تالداۋ شارالارى جٷرگٸزٸلەدٸ دەپ جوسپارلانۋدا.
بۇدان بٶلەك, «EuroRAP-تىڭ ۇلتتىق پلاتفورماسىنىڭ جەتەكشٸ بٸلٸمٸ» بازالىق قۇجاتتارى ەزٸرلەنٸپ, EuroRAP جٷيەسٸن ۇلتتىق زاڭناماعا ەنگٸزۋ جٶنٸندەگٸ ەگجەي-تەگجەيلٸ ۇسىنىستار دايىندالادى دەپ جوسپارلانعان.
جولداردىڭ جاي-كٷيٸن باعالاۋعا ارنالعان ەۋروپالىق باعدارلامانى ەنگٸزۋدە Swedish National Road Consulting AB (SweRoad) شۆەد كومپانيياسى كەڭەسشٸ بولماق. اسسوتسياتسيياداعى سۋبكونسۋلتانت - QAZAQ Research Institute for Road Traffic Safety (شۆەتسييا/قازاقستان).
ايتا كەتەيٸك, قازاقستاندا جول قاۋٸپسٸزدٸگٸن باعالاۋدىڭ حالىقارالىق باعدارلاماسىنىڭ – IRAP قۇرالى «ورتالىق – وڭتٷستٸك» جەنە «باتىس ەۋروپا – باتىس قىتاي» دەلٸزدەرٸن جوبالاۋ كەزەڭٸندە قولدانىلعان بولاتىن. وسىلايشا, 2017 جىلى ۇزىندىعى 297 شاقىرىمدى قۇرايتىن «بالقاش – بۋرىلبايتال» جول ۋچاسكەسٸن, «الماتى – رف شەكاراسى (ەكاتەرينبۋرگقا)» جولىن رەكونسترۋكتسييالاۋ جوبالارى IRAP باعالاۋىنان ٶتتٸ.
