بيىلعى جىلدىڭ 19 تامىزىنداعى جاعدايعا سەيكەس, قازاقستاندا 2 ملن 25,2 مىڭ توننا استىق باستىرىلدى, دەپ حابارلايدى "ۇلت اقپارات".
قر اۋىل شارۋاشىلىعى مينيسترلٸگٸنٸڭ اقپاراتىنا سەيكەس, ەسەپتٸك كەزەڭدە اۋىل شارۋاشىلىعى ٶنٸمٸن ٶندٸرۋشٸلەر 1 ملن 39,3 مىڭ گەكتار ٶنٸم جيناعان نەمەسە ٶڭٸرلەردەگٸ جالپى استىق القاپتارىنىڭ 38,7% ورىلعان. ورتاشا ٶنٸمدٸلٸك گەكتارىنا 19,5 تسەنتنەردٸ قۇرادى.
2018 جىلدىڭ وسى كەزەڭٸندە قازاقستاندا 923,3 مىڭ گەكتار, ياعني 35,8% القاپتىڭ ەگٸنٸ ورىلىپ, 1 ملن 665,7 مىڭ توننا استىق باستىرىلعان بولاتىن. ال ورتاشا ٶنٸمدٸلٸك گەكتارىنا 18 تسەنتنەردٸ قۇراعان.
ەسكە سالا كەتەيٸك, 2018 جىلى قازاقستاندا استىق جيناۋ ناۋقانىنىڭ قورىتىندىسىنا سەيكەس, ٶڭٸردٸڭ 15 ملن 59,7 مىڭ گا القاپتىڭ ەگٸنٸ ورىلىپ, 22 ملن 810 مىڭ توننا استىق باستىرىلعان. ورتاشا ٶنٸمدٸلٸك گەكتارىنا 15,1 تسەنتنەردٸ قۇرادى.
