قازاقستاندا 26 مامىرداعى جاعداي بويىنشا, 2 035 781 ادام كوروناۆيرۋسقا قارسى ۆاكتسينانىڭ بٸرٸنشٸ كومپونەنتٸن سالدىردى, دەپ حابارلايدى "ۇلت اقپارات" دەنساۋلىق ساقتاۋ مينيسترلٸگٸنٸڭ Telegram كانالىنا سٸلتەمە جاساپ.
ال ۆاكتسينانىڭ ەكٸنشٸ كومپونەنتٸن سالدىرعاندار سانى 973 873 ادامدى قۇراپ وتىر.
ايتا كەتەيٸك, اسقار مامين اپتا باسىندا ٷكٸمەت وتىرىسىندا ۆاكتسينالاۋ قارقىنىن ارتتىرۋ قاجەتتٸگٸن ايتقان بولاتىن.
پرەمەر-مينيستردٸڭ ايتۋىنشا, ۆاكتسينا قورلارىن تولتىرۋ, ەگۋ پۋنكتتەرٸنٸڭ سانىن ارتتىرۋ بويىنشا شارالار قابىلدانىپ جاتىر. ۆاكتسينانىڭ بولۋ-بولماۋى بويىنشا ەشقانداي پروبلەما جوق.
«قازٸر ەگۋ ناۋقانىن كەڭەيتۋ پاندەمييامەن كٷرەسۋدە ەڭ ماڭىزدى مٸندەت بولىپ تابىلادى. دەنساۋلىق ساقتاۋ مينيسترلٸگٸ مەن ەكٸمدٸكتەرگە ۆاكتسينالاۋ قارقىنىن ارتتىرۋدى تاپسىرامىن», - دەدٸ اسقار مامين.
