قازاقستاندا 1,5 ميلليونعا جۋىق ادام ەكپە الدى. بۇل تۋرالى بٷگٸن ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى "ۇلت اقپارات".
«4 مامىرداعى جاعداي بويىنشا رەسپۋبليكاداعى ينفەكتسييالىق تٶسەك-ورىنداردىڭ جٷكتەمەسٸ 42, ال رەانيماتسييالىق تٶسەك-ورىنداردىڭ جٷكتەمەسٸ 28 پايىزدى قۇرايدى. ينفەكتسييالىق تٶسەك-ورىنداردىڭ ەڭ جوعارى جٷكتەمەسٸ نۇر-سۇلتان قالاسىندا 60, الماتى قالاسىندا 57, قىزىلوردا وبلىسىندا 59, الماتى وبلىسىندا 56 پايىزدى, ال رەانيماتسييالىق تٶسەك-ورىندار جٷكتەمەسٸ نۇر-سۇلتان مەن باتىس قازاقستان وبلىسىندا 62, الماتى قالاسىندا 52 پايىزدى قۇراپ وتىر», - دەدٸ مينيستر.
ونىڭ دەرەگٸنشە, قازٸرگٸ ۋاقىتتا قازاقستان اۋماعىندا سپۋتنيك V, QazVaq, Hayat-Vaح ۆاكتسينالارى قولجەتٸمدٸ.
«شامامەن 1,5 ملن ادام نەمەسە حالىقتىڭ ۆاكتسيناتسييالاۋعا جاتاتىن ساناتىنىڭ 15 پايىزى ەكپە الدى», - دەدٸ الەكسەي تسوي.
