دەنساۋلىق ساقتاۋ مينيسترٸنٸڭ مٸندەتٸن اتقارۋشى لەززات اقتاەۆا 13 ناۋرىزدان باستاپ 18 ماۋسىمعا دەيٸن قازاقستاندا 1,2 ميلليوننان استام ادام پتر-تەستتەن ٶتكەنٸن مەلٸم ەتتٸ, دەپ حابارلايدى قازاقپارات.
«وسى جىلدىڭ ناۋرىز ايىنان باستاپ كوروناۆيرۋس ينفەكتسيياسى بويىنشا 1 271 471 زەرتحانالىق زەرتتەۋ جٷرگٸزٸلدٸ. ياعني وسىنشا ادام پتر-تەستتەن ٶتتٸ. بۇل – ادام اعزاسىنداعى ۆيرۋستىڭ فراگمەنتتەرٸن انىقتاۋعا مٷمكٸندٸك بەرەتٸن مولەكۋليارلى بيولوگييالىق ەدٸس. 13 ناۋرىزدان باستاپ 18 ماۋسىمعا دەيٸن بٸر ميلليونان استام ادامنان تەست الىنعانىن اتاپ ٶتتٸم. ەپيدەمييانىڭ دامۋ دەڭگەيٸنە قاراي زەرتحانانىڭ قۋاتتىلىعى مەن تەستتەر سانى ۇلعايتىلدى», - دەدٸ لەززات اقتاەۆا وكق-دا ٶتكەن باسپاسٶز مەسليحاتىندا.
ونىڭ ايتۋىنشا, سەۋٸر ايىنىڭ العاشقى جارتىسىندا تەۋلٸگٸنە 5 مىڭ ادام, ەكٸنشٸ جارتىسىندا تەۋلٸگٸنە 14 مىڭ ادام پتر- تەستتەن ٶتكەن. قازٸرگٸ ۋاقىتتا زەرتحانالىق زەرتتەۋ قۋاتتىلىعى – تەۋلٸگٸنە 28 مىڭ پتر -تەستتەن ٶتۋ كٶرسەتكٸشٸنە جەتكەن.
«زەرتحانانىڭ سانى 56-عا جەتتٸ. ونىڭ ٸشٸندە سانيتارييالىق-ەپيدەميولوگييالىق قىزمەتتە 25 زەرتحانا بولسا, جەكە مەديتسينالىق زەرتحانالاردىڭ سانى 13, مەديتسينالىق ۇيىمداردىڭ زەرتحانالارىنىڭ سانى – 14», - دەدٸ ول. لەززات اقتاەۆا زەرتحانالاردا تەست-جٷيەلەرٸ جەتكٸلٸكتٸ ەكەنٸن ايتىپ ٶتتٸ.
«قازٸرگٸ تاڭدا تەست-جٷيەلەرٸنٸڭ قالدىعى – 501 مىڭ. ونىڭ ٸشٸندە مەملەكەتتٸك زەرتحانالاردا 300 مىڭنان اسادى. بۇل – 18 كٷندٸك قور. قوسىمشا زەرتحانالاردىڭ قۋاتتىلىعىن تەۋلٸگٸنە 35 مىڭعا دەيٸن جەتكٸزۋ كٶزدەلگەن. ول ٷشٸن ٷكٸمەتتٸك رەزەرۆ ەسەبٸنەن تيٸستٸ تيٸستٸ جابدىقتار ساتىلىپ الىنادى. 1,2 ملن تەست-جٷيەسٸ ساتىلىپ الىنادى», - دەدٸ ول.
