Densaýlyq saqtaý ministriniń mindetin atqarýshy Lázzat Aqtaeva 13 naýryzdan bastap 18 maýsymǵa deiin Qazaqstanda 1,2 millionnan astam adam PTR-testten ótkenin málim etti, dep habarlaidy QazAqparat.
«Osy jyldyń naýryz aiynan bastap koronavirýs infektsiiasy boiynsha 1 271 471 zerthanalyq zertteý júrgizildi. Iaǵni osynsha adam PTR-testten ótti. Bul – adam aǵzasyndaǵy virýstyń fragmentterin anyqtaýǵa múmkindik beretin molekýliarly biologiialyq ádis. 13 naýryzdan bastap 18 maýsymǵa deiin bir millionan astam adamnan test alynǵanyn atap óttim. Epidemiianyń damý deńgeiine qarai zerthananyń qýattylyǵy men testter sany ulǵaityldy», - dedi Lázzat Aqtaeva OKQ-da ótken baspasóz máslihatynda.
Onyń aitýynsha, sáýir aiynyń alǵashqy jartysynda táýligine 5 myń adam, ekinshi jartysynda táýligine 14 myń adam PTR- testten ótken. Qazirgi ýaqytta zerthanalyq zertteý qýattylyǵy – táýligine 28 myń PTR -testten ótý kórsetkishine jetken.
«Zerthananyń sany 56-ǵa jetti. Onyń ishinde sanitariialyq-epidemiologiialyq qyzmette 25 zerthana bolsa, jeke meditsinalyq zerthanalardyń sany 13, meditsinalyq uiymdardyń zerthanalarynyń sany – 14», - dedi ol. Lázzat Aqtaeva zerthanalarda test-júieleri jetkilikti ekenin aityp ótti.
«Qazirgi tańda test-júieleriniń qaldyǵy – 501 myń. Onyń ishinde memlekettik zerthanalarda 300 myńnan asady. Bul – 18 kúndik qor. Qosymsha zerthanalardyń qýattylyǵyn táýligine 35 myńǵa deiin jetkizý kózdelgen. Ol úshin úkimettik rezerv esebinen tiisti tiisti jabdyqtar satylyp alynady. 1,2 mln test-júiesi satylyp alynady», - dedi ol.
