ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ زاڭسىز قوقىستاردى تاستاۋعا جول بەرمەۋ جەنە ونى جويۋ بويىنشا قانداي جۇمىستار اتقارىلىپ جاتقانىن ايتتى, دەپ حابارلايدى قازاقپارات.
«بٸز ەكٸمدٸكتەرمەن بٸرلەسٸپ عارىشتىق مونيتورينگ بارىسىندا انىقتالعان قازاقستان بويىنشا بارلىق زاڭسىز قوقىس تاستايتىن جەرلەردٸ جويۋدى باستادىق. بٸزدٸڭ تاپسىرىس بويىنشا «قازاقستان عارىش ساپارى» مونيتورينگ جٷرگٸزدٸ. ول 50 شاقىرىم راديۋستاعى ٸرٸ قالالاردىڭ ماڭىنداعى اۋماقتى قامتيدى. بٷگٸنگٸ كٷنٸ ەلٸمٸزدٸڭ بارلىق ٶڭٸرلەرٸندە جەتٸ جارىم 7,5 مىڭنان استام قوقىس ورىندارى انىقتالدى. بٸز ەكٸمدٸكتەرمەن بٸرلەسٸپ ولاردى جويۋ جٶنٸندەگٸ جوسپار جاسادىق. تەك سوڭعى 10 كٷن ٸشٸندە 1635 زاڭسىز قوقىس ورىنى جويىلدى. بۇل جالپى ساننىڭ 20 پايىزىن قۇرايدى», - دەدٸ ماعزۇم مىرزاعاليەۆ وكق-دا ٶتكەن باسپاسٶز مەسليحاتىندا.
ونىڭ ايتۋىنشا, قاراعاندى جەنە اتىراۋ وبلىستارىندا بەلسەندٸ جۇمىس جٷرگٸزٸلٸپ جاتىر.
«ەكٸنشٸدەن, مينيسترلٸك ٶتكەن اپتادا ەربٸر ٶڭٸردەگٸ زاڭسىز قوقىس ورىندارى بويىنشا تۇرعىنداردان اقپارات جيناۋ ٷشٸن «جەدەل جەلٸ» جٷيەسٸن قوستى. ەكراندا تيٸستٸ اقپاراتتى جٸبەرۋگە بولاتىن ۆاتساپ تەلەفون نٶمٸرٸن (8-777-595-24-90) كٶرە الاسىزدار. العاشقى 5 كٷن ٸشٸندە «جەدەل جەلٸگە» زاڭسىز قوقىستار جايلى ەكٸ جٷز جيىرما ٷش (223) حابارلاما كەلٸپ تٷستٸ. ٷشٸنشٸدەن, ٸشكٸ ٸستەر مينيسترلٸگٸمەن, قوعاممەن, ەرٸكتٸلەرمەن جەنە جۋرناليستەرمەن بٸرلەسٸپ, بٸز زاڭسىز قوقىس ورىندارى بويىنشا اۋقىمدى قوعامدىق رەيدتەر جٷرگٸزە باستادىق. وسى دٷيسەنبٸ كٷنٸ, مىسالى, ەلوردا ماڭىنداعى زاڭسىز قوقىس ورىندارىنا رەيد جٷرگٸزٸلدٸ. وسىنداي رەيدتەر بارلىق ٶڭٸرلەردە جٷرگٸزٸلەتٸن بولادى. ولاردىڭ نەتيجەلەرٸ تۋرالى بۇقارالىق اقپارات قۇرالدارىندا جەنە ەلەۋمەتتٸك جەلٸلەردە ٷنەمٸ حابارلايتىن بولامىز», - دەدٸ ول.
