مەملەكەت باسشىسى قاسىم-جومارت توقاەۆ تٷرٸكمەنستان پرەزيدەنتٸ گۋربانگۋلى بەردٸمۇحامەدوۆپەن تەلەفون ارقىلى سٶيلەستٸ. بۇل تۋرالى اقوردانىڭ باسپاسٶز قىزمەتٸ حابارلادى.
مەملەكەت باسشىلارى دوستىققا, تاتۋ كٶرشٸلٸككە جەنە ستراتەگييالىق سەرٸكتەستٸككە نەگٸزدەلگەن قازاق-تٷرٸكمەن قاتىناستارىنىڭ مىزعىماس سيپاتىن ناقتىلاپ, ەكٸجاقتى ىقپالداستىقتىڭ اۋقىمدى مەسەلەلەرٸن تالقىلادى.
گۋربانگۋلى بەردٸمۇحامەدوۆ جان-جاقتى ىنتىماقتاستىققا تىڭ سەرپٸن بەرۋ ماقساتىمەن قاسىم-جومارت توقاەۆتى بيىل تٷرٸكمەنستانعا رەسمي ساپارمەن كەلۋگە شاقىردى. اتالعان ساپار اياسىندا بٸرقاتار ماڭىزدى كەلٸسٸمدەرگە قول قويىلماق.
مەملەكەت باسشىسى شاقىرۋدى قابىل الدى جەنە بيىل كٷزدە اشحابادتا ٶتەتٸن VI كاسپيي سامميتٸنە قاتىسۋعا دايىن ەكەنٸن جەتكٸزدٸ.
سونىمەن قاتار تاراپتار ٶڭٸرلٸك ىقپالداستىقتى جانداندىرۋعا, ورتالىق ازيياداعى تۇراقتىلىق پەن قاۋٸپسٸزدٸكتٸ قامتاماسىز ەتۋگە قاتىستى الداعى ۇجىمدىق شارالار جايىندا پٸكٸر الماستى.
قاسىم-جومارت توقاەۆ ورتالىق ازييا مەملەكەتتەرٸ باسشىلارىنىڭ كەزەكتٸ كونسۋلتاتيۆتٸك كەزدەسۋٸن تٷرٸكمەنستاندا ٶتكٸزۋ جٶنٸندەگٸ گۋربانگۋلى بەردٸمۇحامەدوۆتٸڭ ۇسىنىسىن قولدادى.
قاسىم-جومارت توقاەۆ گۋربانگۋلى بەردٸمۇحامەدوۆتٸ تۋعان كٷنٸمەن قۇتتىقتاپ, ونىڭ باۋىرلاس تٷرٸكمەنستاندى ٶركەندەتۋ جولىنداعى اسا جاۋاپتى مەملەكەتتٸك قىزمەتٸنە تابىس تٸلەدٸ.
