فوتو: قر عجبم
قر عىلىم جەنە جوعارى بٸلٸم مينيسترٸ ساياسات نۇربەك پەن وڭتٷستٸك كورەيانىڭ بٸلٸم بەرۋ ۆيتسە-مينيسترٸ و سوك حۆان الماتى قالاسىندا قازاقستاننىڭ ەلەمدٸك بٸلٸم بەرۋ كەڭٸستٸگٸنە ودان ەرٸ ينتەگراتسييالانۋ مەسەلەلەرٸن تالقىلادى, دەپ حابارلايدى Ult.kz.
كەزدەسۋ بارىسىندا ساياسات نۇربەك وڭتٷستٸك كورەيادان كەلگەن ەرٸپتەستەرٸنە قازاقستاندا ورتالىق ازييا بٸلٸم بەرۋ حابىن قۇرۋعا باعىتتالعان جوبالار مەن شەتەلدٸك ۋنيۆەرسيتەتتەر فيليالدارىنىڭ وسى جوباداعى رٶلٸ جايلى ايتىپ بەردٸ. سول فيليالداردىڭ بٸرٸ بيىلعى وقۋ جىلىندا العاشقى ستۋدەنتتەرگە ەسٸگٸن ايقارا اشادى دەپ جوسپارلانىپ وتىر.
«قازٸر تٷركٸستان قالاسىندا كورەيانىڭ Woosong University فيليالى عيماراتىنىڭ قۇرىلىسى جٷرٸپ جاتىر. ول جاڭا وقۋ جىلىنىڭ الدىندا رەسمي تٷردە اشىلادى. العاشقى قابىلدانعان ستۋدەنتتەرگە ارناپ Woosong University 110 شەكٸرتاقى بٶلدٸ, بٸز دە ٶز تاراپىمىزدان قازاقستاندىق ستۋدەنتتەرگە قوسىمشا گرانتتار بٶلەتٸن بولامىز», – دەدٸ مينيستر.
سونىمەن قاتار ساياسات نۇربەك كورەيالىق جەنە قازاقستاندىق ۋنيۆەرسيتەتتەردٸڭ بٸرلەسكەن بٸلٸم بەرۋ جەنە عىلىمي جوبالارى تۋرالى دا ايتتى. اتاپ ايتقاندا, وڭتٷستٸك كورەيانىڭ ماشينا جاساۋ سالاسىنداعى ەڭ تەجٸريبەلٸ ۋنيۆەرسيتەتتەرٸنٸڭ بٸرٸ – Dong-Eui University احمەت بايتۇرسىنوۆ اتىنداعى ۋنيۆەرسيتەتپەن بٸرلەسٸپ, قوستانايداعى اۆتوموبيل زاۋىتتارى ٷشٸن ينجەنەر-مەحانيكتەردٸ دايارلاۋ ٷستٸندە. قورقىت اتا اتىنداعى قىزىلوردا ۋنيۆەرسيتەتٸ SeoulTech ۇلتتىق عىلىم جەنە تەحنولوگييا ۋنيۆەرسيتەتٸمەن بٸرلەسٸپ, قوس ديپلومدىق بٸلٸم بەرۋ باعدارلامالارىن ٸسكە قوسادى, ال سەتباەۆ ۋنيۆەرسيتەتٸنٸڭ مەتاللۋرگييا جەنە بايىتۋ ينستيتۋتى وڭتٷستٸك كورەيانىڭ KAIST ٶنەركەسٸپتٸك تەحنولوگييالار ينستيتۋتىمەن بٸرگە سيرەك كەزدەسەتٸن جەر مەتالدارىن قايتا ٶڭدەيتٸن ورتالىقتى ٸسكە قوسىپ جاتىر.
وڭتٷستٸك كورەيانىڭ ۆيتسە-مينيسترٸ و سوك حۆان:
«قازاقستاندا جوعارى بٸلٸم بەرۋ سالاسى قالاي دامىپ جاتقانى مەنٸ تاڭعالدىردى. وسىنداي مىقتى ەلەۋەتٸمەن جەنە جٷيەلٸ تٷردە قۇرىلعان ەدٸستەرمەن قازاقستان ورتالىق ازييانىڭ بٸلٸم بەرۋ نارىعىندا جەتەكشٸ ورىن الاتىنىنا سٶزسٸز سەنٸمدٸمٸن», – دەدٸ.
سونداي-اق قر عىلىم جەنە جوعارى بٸلٸم مينيسترٸ ساياسات نۇربەك پەن وڭتٷستٸك كورەيانىڭ بٸلٸم بەرۋ ۆيتسە-مينيسترٸ و سوك حۆان الماتى قالاسىندا اشىلعان «كورەيادا وقۋ» («Study in Korea») كٶرمەسٸنٸڭ اشىلۋىنا قاتىستى. مۇندا 30-دان استام كورەي ۋنيۆەرسيتەتتەرٸ ٶز ەكسپوناتتارىن ۇسىندى. كٶرمە اياسىندا كورەي ۋنيۆەرسيتەتتەرٸنٸڭ فيليالدارىندا وقۋعا دايىندىق بويىنشا كەڭەستەر دە بەرٸلدٸ.
