قازاقستان مەن تٷركييا اراسىندا كەلەسٸ ايدىڭ ٷشٸنشٸ ونكٷندٸگٸندە اۆيارەيستەر قايتا جاندانۋى مٷمكٸن. بۇل مەسەلەنٸ قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ پەن تٷركييانىڭ كٶلٸك جەنە ينفراقۇرىلىم مينيسترٸ ەدٸل قارايسمايلوعلى تەلەفون ارقىلى تالقىلادى, دەپ حابارلايدى "ۇلت اقپارات".
«تاراپتار ەكٸ ەلدٸڭ كٶلٸك سالاسىنداعى ىنتىماقتاستىعىنىڭ بيىلعى ٸ توقسانداعى قورىتىندىسىن شىعاردى. تەمٸرجول كٶلٸگٸمەن تاسىمال كٶلەمٸ ٶتكەن جىلدىڭ سەيكەس كەزەڭٸمەن سالىستىرعاندا 10% ارتىپ, 239 مىڭ توننانى قۇرادى. اۆتوموبيل كٶلٸگٸ سالاسىندا 42% ٶسٸم بولىپ, 65,2 توننا بولدى. ترانسكاسپيي حالىقارالىق كٶلٸك باعىتىمەن ترانزيتتٸك تاسىمالداۋ كٶلەمٸ 2 ەسەگە ۇلعايىپ, 7,4 مىڭ كونتەينەرگە جەتتٸ.
سونىمەن قاتار, مينيسترلەر ەكٸ ەلدە دە ەپيدەميولوگييالىق احۋال جاقسارعان جاعدايدا بارلىق سانيتارلىق تالاپتاردى ساقتاپ جەنە جولاۋشىلار ٷشٸن قولايلى جاعداي جاساي وتىرىپ, اعىمداعى جىلدىڭ ماۋسىم ايىنىڭ ٷشٸنشٸ ونكٷندٸگٸندە ەۋە رەيستەرٸن قايتا جانداندىرۋ مٷمكٸندٸگٸن تالقىلادى», - دەلٸنگەن قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ اقپاراتىندا.
