Qazaqstan men Túrkiia arasynda kelesi aidyń úshinshi onkúndiginde aviareister qaita jandanýy múmkin. Bul máseleni QR Indýstriia jáne infraqurylymdyq damý ministri Beibit Atamqulov pen Túrkiianyń Kólik jáne infraqurylym ministri Ádil Qaraismailoǵly telefon arqyly talqylady, dep habarlaidy "Ult aqparat".
«Taraptar eki eldiń kólik salasyndaǵy yntymaqtastyǵynyń biylǵy I toqsandaǵy qorytyndysyn shyǵardy. Temirjol kóligimen tasymal kólemi ótken jyldyń sáikes kezeńimen salystyrǵanda 10% artyp, 239 myń tonnany qurady. Avtomobil kóligi salasynda 42% ósim bolyp, 65,2 tonna boldy. Transkaspii Halyqaralyq kólik baǵytymen tranzittik tasymaldaý kólemi 2 esege ulǵaiyp, 7,4 myń konteinerge jetti.
Sonymen qatar, ministrler eki elde de epidemiologiialyq ahýal jaqsarǵan jaǵdaida barlyq sanitarlyq talaptardy saqtap jáne jolaýshylar úshin qolaily jaǵdai jasai otyryp, aǵymdaǵy jyldyń maýsym aiynyń úshinshi onkúndiginde áýe reisterin qaita jandandyrý múmkindigin talqylady», - delingen QR Indýstriia jáne infraqurylymdyq damý ministrliginiń aqparatynda.
