دجاكارتادا ٶتٸپ جاتقان ازييا ويىندارىندا قازاقستان تەننيستەن بٸر كٷمٸس, بٸر قولا مەدال يەلەندٸ, دەپ حابارلايدى ازاتتىق.
ەرلەر اراسىنداعى جۇپتىق سىندا قازاقستاندىق الەكساندر بۋبليك پەن دەنيس ەۆسەەۆ فينالدا ٷندٸستاندىق روحان بوپاننا/ديۆيدج شاراننان جەڭٸلٸپ (3:6, 4:6), كٷمٸس مەدال الدى.
ەيەلدەر اراسىنداعى جۇپتىق جارىستا قازاقستاندىق اننا دانيلينا مەن گيۋزال اينيدينوۆا جارتىلاي فينالدا تايپەيلٸك تەننيسشٸلەردەن جەڭٸلدٸ. ازييا ويىندارىندا جارتىلاي فينالدا ۇتىلعان تەننيسشٸلەر قولا مەدال يەلەنەدٸ.
قازٸر قازاقستان 2 التىن, 7 كٷمٸس, 19 قولامەن (بارلىعى - 28 مەدال) جالپى ەسەپتە 12-ورىندا تۇر. التىندى سەمسەرلەسۋدەن دميتريي الەكسانين مەن ۆەلوسپورتتان الەكسەي لۋتسەنكو العان.
ازييا ويىندارىنا 440 قازاقستاندىق سپورتشى قاتىسىپ جاتىر. ازييا ويىندارى قىركٷيەكتٸڭ 2-cٸ كٷنٸ اياقتالادى.
