سەناتور باۋىرجان قانيەۆ ەلٸمٸزدٸڭ تەمٸرجول سالاسىن رەفورمالاۋ قاجەت دەپ سانايدى.
دەپۋتات پرەمەر-مينيستر ەليحان سمايلوۆتىڭ اتىنا جولداعان دەپۋتاتتىق ساۋالىندا ەلٸمٸزدەگٸ تەمٸرجولدىڭ پروبلەمالارى تۋرالى ايتىپ, ولاردى شەشۋ جولدارىن ۇسىندى, دەپ حابارلايدى قازاقپارات.
سەناتوردىڭ ايتۋىنشا, بٷگٸنگٸ تاڭدا «جولاۋشىلار تاسىمالى» اق جىلجىمالى قۇرام پاركٸندە 2 228 ۆاگون بار, ولاردىڭ 35 پايىزىنىڭ پايدالانۋعا بەرٸلگەنٸنە 28 جىلدان اسىپ كەتكەن. تالگو ۆاگوندارىن ەسەپتەمەگەندە, جولاۋشىلار ۆاگوندارى ورتاشا ەسەپپەن 63%-عا, ال لوكوموتيۆتەر 67%-عا توزعان.
ب. قانيەۆ ٶزٸنٸڭ دەپۋتاتتىق ساۋالىندا ٸشكٸ جٷك تاسىمالىنىڭ قىمباتتىعى مەسەلەسٸن دە كٶتەردٸ. ول تاۋارلاردىڭ تٷپكٸ قۇنىن ارتتىرۋعا ىقپال ەتەدٸ. اتاپ ايتقاندا, «قتج» اق مەنشٸگٸندە جٷكتٸ تيەۋ-تٷسٸرۋگە ارنالعان 170 ارنايى ورىن بار, ال ولاردىڭ جەكە مەنشٸكتەگٸ سانى 3 600-دەن اسادى.
سەناتوردىڭ پٸكٸرٸنشە, ول جەردەگٸ تاريفتەردٸڭ باقىلاۋسىزدىعى مەن الىپساتارلىق ەرەكەتتەر تەمٸرجول جٷكتەرٸ باعاسىنىڭ ايتارلىقتاي قىمباتتاۋىنا ەكەلٸپ وتىر.
«تەمٸرجول تاسىمالىنىڭ ەلەۋمەتتٸك-ەكونوميكالىق ماڭىزى مەن ترانزيتتٸك ەلەۋەتٸن ەسكەرە كەلگەندە, «قازاقستان تەمٸر جولى» اق تٷبەگەيلٸ رەفورمالاردى قاجەت ەتەدٸ. وسى مەسەلەلەردٸ شەشۋدٸ, ەڭ الدىمەن, سالانىڭ تەجٸريبەلٸ ماماندارىن باسشىلىق لاۋازىمدارعا تاعايىنداۋدان باستاعان جٶن دەپ سانايمىز. ەلٸمٸزدە مەملەكەتتٸك اكتيۆتەردٸ جەكەشەلەندٸرۋ سالدارىنان بولعان جاعىمسىز جاعدايلاردى ەسكەرە وتىرىپ, جەكەشەلەندٸرٸلگەن جٷك تيەۋ ورىندارىن, باگاج بٶلٸمشەلەرٸن «قازاقستان تەمٸر جولى» اق مەنشٸگٸنە قايتارۋ قاجەت», - دەدٸ دەپۋتات.
