يوردانييا استاناسى اممان قالاسىندا بوكستان جاستار مەن جاٶسپٸرٸمدەر اراسىندا ازييا چەمپيوناتىندا قازاقستان قۇراماسى جالپى كوماندالىق ەسەپتە ٷشٸنشٸ ورىن الدى, دەپ حابارلايدى قازاقپارات.
قازاقستاندىق سپورتشىلار 13 التىن, 14 كٷمٸس, 17 قولا مەدال الدى. نەتيجەسٸندە ٷشٸنشٸ ورىنعا تۇراقتادى.
كٶش باسىندا تۇرعان ٶزبەكستاننىڭ 20 التىن, 16 كٷمٸس, 7 قولا مەدالٸ بار. ەكٸنشٸ ورىنعا 15 التىن, 10 كٷمٸس, 18 قولا مەدالمەن ٷندٸستان جايعاستى.
ەسكە سالساق, جاستار اراسىندا ەگور ەگوروۆ (71 كەلٸ), تەمٸرلان مۇقاتاەۆ (86 كەلٸ), توميريس مىرزاقۇل (52 كەلٸ), ۆيكتورييا بايدۋكوۆا (54 كەلٸ), ۇلجان سەرسەنبەك (57 كەلٸ), باقىت سەيدٸش (66 كەلٸ), كاميلا باجبەنوۆا (81 كەلٸ) التىننان القا تاقتى.
ال جاسٶسپٸرٸمدەردە ايدار قادىرحان (52 كەلٸ), تٶرەحان سابىرحان (57 كەلٸ), احمەت ٷسەن (63 كەلٸ), سانجار-ەلي بەگاليەۆ (66 كەلٸ), ارۋجان جاڭاباەۆا (66 كەلٸ) جەنە كۇرالاي ەگٸنبايقىزى (80 كەلٸ) چەمپيون اتاندى.
