قازاقستاننىڭ بٸرنەشە قالاسىندا ەۋەجاي كودتارى ٶزگەرتٸلۋٸ مٷمكٸن. بۇل تۋرالى قر يندۋسترييا جەنە يننوۆاتسييالىق دامۋ مينيسترلٸگٸ ازاماتتىق اۆياتسييا كوميتەتٸنٸڭ تٶراعاسى تالعات لاستاەۆ ايتتى, دەپ حابارلايدى قازاقپارات.
«شىن مەنٸندە NNN سىندى كودتىڭ تٷرلٸ نۇسقالارى ۇسىنىلدى. بۇل كود حالىقارالىق IATA ۇيىمىمەن كەلٸسٸلەدٸ. كەلەسٸ قادام - اتىراۋ (GUW), اقتاۋ (SCO) سىندى ٶزگە قالالاردىڭ ەۋەجايلارىنداعى كودتى ٶزگەرتۋ. بۇل كودتار كەڭەستٸك زاماننان قالعان. وسى باعىتتا IATA ۇيىمىمەن بٸرلەسٸپ, جۇمىس ٸستەۋدٸ جوسپارلادىق», - دەدٸ تالعات لاستاەۆ ەلوردا ەۋەجايىندا تٸلشٸلەرگە بەرگەن سۇحباتىندا.
ونىڭ ايتۋىنشا, IATA ۇيىمىنىڭ نەگٸزگٸ تالابى - ەۋەجايلارعا بٸر رەت تۇراقتى كود بەرۋ جەنە ونى ٶزگەرتپەۋ.
«بٸز ٶز تاراپىمىزدان ارگۋمەنتتەر كەلتٸرٸپ, جٷيەلٸ تٷردە IATA قاعيدالارىنا ٶزگەرٸس ەنگٸزدٸك. بۇعان دەيٸنگٸ قاراردا كودتىڭ ٶزگەرتٸلمەيتٸنٸ ايتىلسا, قازٸر بەلگٸلٸ بٸر جاعدايدا ٶزگەرتۋگە بولاتىنى تۋرالى ٶزگەرٸس ەنگٸزٸلدٸ. ياعني, بٸز بارلىق مەملەكەتتەرگە مٷمكٸندٸك اشىپ بەردٸك. ولار دا كٶرسەتٸلگەن تالاپتاردى ساقتاي وتىرىپ, كودتارىن ٶزگەرتە الادى. بٸز مۇنى قازاقستان ٷشٸن عانا جاساعان جوقپىز», - دەدٸ ت. لاستاەۆ.
سونىمەن بٸرگە, كوميتەت تٶراعاسى كود ٶزگەرتۋدەگٸ شىعىندار تۋرالى ايتىپ بەردٸ.
«بۇل ٶزگەرٸس فيزيكالىق تۇرعىدا ەش شىعىندى قاجەت ەتپەدٸ. بۇل - مەملەكەتتٸك ورگانداردىڭ ەرەن ەڭبەگٸ. ەسٸرەسە قر سىرتقى ٸستەر مينيسترلٸگٸ كٶپ جۇمىس اتقاردى», - دەدٸ ت. لاستاەۆ.
