قازاقستان شەكاراسى ماڭىندا بۋبون وباسىنىڭ قوزدىرعىشى تابىلدى. بۇل اقپاراتتى قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ راستادى, دەپ حابارلايدى "ۇلت اقپارات".
ورتالىق كوممۋنيكاتسييالار قىزمەتٸندەگٸ بريفينگ بارىسىندا جۋرناليستەر رەسمي ٶكٸلدەن: «قازاقستان شەكاراسى ماڭىندا بۋبون وباسىنىڭ قوزدىرعىشى تابىلدى دەگەن اقپارات قانشالىقتى راس? اتالعان اۋرۋمەن ەل اۋماعىندا تٸركەلگەن ناۋقاستار بار ما?», - دەپ سۇراعان ەدٸ.
ٶز كەزەگٸندە باعدات قوجاحمەتوۆ بۇل اقپاراتتىڭ راستالعانىن اتاپ ٶتتٸ.
«بۇل موڭعولييادا, ەسٸرەسە رف-نىڭ التاي ٶلكەسٸندە تابيعي بۋبوندىق وبانى تاسىمالدايتىن جانۋارلار مەكەندەيتٸن جەرلەردە جىل سايىن تٸركەلەدٸ. قازاقستاندا بۋبون وباسىمەن اۋىردى نەمەسە جۇقتىردى دەگەن دەرەك جوق. نەگە دەسەڭٸزدەر, شەكارادا توسقاۋىل قويىلعان. سانيتارلىق-ەپيدەميولوگييالىق جۇمىستار جٷرگٸزٸلۋدە», - دەپ جاۋاپ بەردٸ ول.
