قازاقستاننىڭ كورەيا رەسپۋبليكاسىنداعى ەلشٸسٸ باقىت دٷيسەنباەۆ حانكۋك شەت تٸلدەرٸ ۋنيۆەرسيتەتٸنٸڭ ۆيتسە-پرەزيدەنتٸ شين جوڭ حۋانمەن جەنە ۋنيۆەرسيتەتتٸڭ تٷلەگٸ چوي يون سونمەن كەزدەستٸ, دەپ حابارلايدى "ۇلت اقپارات" قر سٸم سايتىنا سٸلتەمە جاساپ.
ٸس-شارا اياسىندا چوي يون سوننىڭ «تٷركٸستان» گازەتٸنە بەرگەن سۇحباتى جارييالانعاننان كەيٸن جولدانعان پرەزيدەنت قاسىم-جومارت توقاەۆتىڭ حاتى تابىس ەتٸلدٸ. مەملەكەت باسشىسى ماقالانى وقىپ, ونى جوعارى باعالاعان بولاتىن. ٶزٸنٸڭ حاتىندا ول چوي يون سونعا جەكە ريزاشىلىعىن بٸلدٸرٸپ, قازاق تٸلٸن زەرتتەپ, كورەي-قازاق سٶزدٸگٸن قۇراستىرۋىن قولدايتىنىن جەتكٸزدٸ.
چوي يون سون 2019 جىلدىڭ اقپانىندا حانكۋك شەت تٸلدەرٸ ۋنيۆەرسيتەتٸن قازاق تٸلٸ ماماندىعى بويىنشا بٸتٸردٸ. ستۋدەنتتەرمەن الماسۋ باعدارلاماسى شەڭبەرٸندە 2015-2016 جىلدارى ەل-فارابي اتىنداعى قازاق ۇلتتىق ۋنيۆەرسيتەتٸندە وقىپ, 2017 جىلى «استانا ەكسپو - 2017» حالىقارالىق مامانداندىرىلعان كٶرمەسٸندە كورەيا رەسپۋبليكاسىنىڭ پاۆيلونىندا قىزمەت ەتتٸ.
قازٸرگٸ ۋاقىتتا ول حانكۋك شەت تٸلدەرٸ ۋنيۆەرسيتەتٸنٸڭ عىلىمي قىزمەتكەرٸ رەتٸندە جۇمىس ٸستەپ, قازاق تٸلٸن زەرتتەۋ مەن ونى ناسيحاتتاۋ بويىنشا ەڭبەگٸن جالعاستىرۋدا. ول قازاق تٸلٸن جوعارى دەڭگەيدە مەڭگەرٸپ قانا قويماي, حالقىمىزدىڭ مەدەنيەتٸ مەن دەستٷرٸن تەرەڭ بٸلەدٸ.
چوي يون سون «تٷركٸستان» گازەتٸنە بەرگەن سۇحباتىندا قازاق تٸلٸن ٷيرەنگەنٸ, كورەي-قازاق سٶزدٸگٸن قۇراستىرىپ جاتقانى, ەلٸمٸزدەگٸ وقۋ مەن ٶمٸر سٷرۋدٸڭ تەجٸريبەسٸ تۋرالى ٶز ەسەرٸمەن بٶلٸستٸ. سونىمەن قاتار, ٶزٸنٸڭ قازاقستانعا قاتىستى بولاشاق جوسپارىن تۋرالى ايتتى.
