بەيجٸڭ قالاسىنداعى حالىق جينالىسى ٷيٸندە قازاقستان پرەزيدەنتٸ قاسىم-جومارت توقاەۆ پەن قىتاي حالىق رەسپۋبليكاسىنىڭ تٶراعاسى سي تسزينپين كەلٸسسٶز جٷرگٸزدٸ, دەپ حابارلايدى اقوردانىڭ باسپاسٶز قىزمەتٸ.
ٶزارا سەنٸم مەن دوستىققا نەگٸزدەلگەن كەزدەسۋدە كٶشباسشىلار قازاقستان مەن قىتاي اراسىنداعى جان-جاقتى ستراتەگييالىق سەرٸكتەستٸكتٸڭ, سونىڭ ٸشٸندە ساياسي, ساۋدا-ەكونوميكالىق, كٶلٸك-ترانزيتتٸك جەنە مەدەني-گۋمانيتارلىق سالالاردىڭ اۋقىمدى مەسەلەلەرٸن تالقىلادى.
قازاقستان پرەزيدەنتٸ قىتاي تٶراعاسىنا ٸلتيپات بٸلدٸرٸپ, قىسقى وليمپيادا ويىندارىنىڭ سالتاناتتى اشىلۋ رەسٸمٸ كەرەمەت ۇيىمداستىرىلعانىن اتاپ ٶتتٸ.
– بەيجٸڭدەگٸ وليمپيادا ويىندارى بٷكٸل ادامزات ٷشٸن جاۋاپتى سەتتە ٶتٸپ جاتىر. بۇل سپورت سايىستارى جاڭارۋعا ٷندەپ, پاندەمييانىڭ سىن-قاتەرلەرٸن ەڭسەرۋگە ٷلەس قوسادى. سوندىقتان سٸزدٸڭ شاقىرۋىڭىزدى زور قۋانىشپەن قابىل الدىم, – دەدٸ مەملەكەت باسشىسى.
پرەزيدەنت ەلٸمٸزدەگٸ جاعدايدى تۇراقتاندىرۋعا باعىتتالعان كٷش-جٸگەرٸنە بەرٸك دوستىق نيەتٸن بٸلدٸرگەنٸ, سونداي-اق جاڭا قازاقستان قۇرۋ جولىندا قاجەتتٸ كٶمەك كٶرسەتۋگە دايىندىعى ٷشٸن قىتاي تٶراعاسىنا ريزاشىلىعىن جەتكٸزدٸ.
سونىمەن قاتار قاسىم-جومارت توقاەۆ سي تسزينپيننٸڭ تيٸمدٸ باسشىلىعىمەن قول جەتكٸزگەن قىتاي ەكونوميكاسىنىڭ دامۋ جەتٸستٸكتەرٸنە جوعارى باعا بەردٸ.
پرەزيدەنت ديپلوماتييالىق قاتىناستار ورناعان 30 جىل ٸشٸندەگٸ قازاق-قىتاي قاتىناستارىنىڭ دامۋى تۋرالى ايتا كەلە, ەكٸ ەلدٸڭ كٷش بٸرٸكتٸرە وتىرىپ, بارلىق سالاداعى ستراتەگييالىق سەرٸكتەستٸكتٸڭ بەرٸك ٸرگەتاسىن قالاعانىنا نازار اۋداردى. ونىڭ پٸكٸرٸنشە, بۇل ىنتىماقتاستىق مەڭگٸ, جان-جاقتى جەنە ساياسي كونيۋنكتۋراعا باعىنىشتى ەمەس.
قازاقستان پرەزيدەنتٸ بٷگٸنگٸ كەلٸسسٶزدٸڭ قازاق-قىتاي قارىم-قاتىناسى تاريحىنداعى ساپالى ەرٸ جاڭا كەزەڭگە بٸرلەسە قادام باسۋعا مٷمكٸندٸك بەرەتٸنٸن اتاپ ٶتتٸ.
قاسىم-جومارت توقاەۆ قازاق-قىتاي دوستىعىن, تاتۋ كٶرشٸلٸك پەن ٶزارا سىيلاستىقتى نىعايتۋدا جاڭا تابىستارعا قول جەتكٸزۋ ٷشٸن تىعىز ىنتىماقتاستىققا ەزٸر ەكەنٸن اتاپ ٶتٸپ, سي تسزينپيندٸ بيىلعى قىركٷيەكتە قازاقستانعا مەملەكەتتٸك ساپارمەن كەلۋگە شاقىردى.
مەملەكەت باسشىسىنىڭ پٸكٸرٸنشە, قحر تٶراعاسىنىڭ ساپارى ەكٸ ەل اراسىنداعى ستراتەگييالىق سەرٸكتەستٸككە تىڭ سەرپٸن بەرەدٸ.
كەلٸسسٶز بارىسىندا ساۋدا-ەكونوميكالىق بايلانىستاردى ارتتىرۋداعى بٸرلەسكەن ٸس-قيمىلعا ەرەكشە نازار اۋدارىلدى. پرەزيدەنت پاندەميياعا قاراماستان, ەكٸجاقتى تاۋار اينالىمى 2021 جىلدىڭ قورىتىندىسى بويىنشا 15,2 پايىزعا ٶسٸپ, 18,2 ميلليارد دوللارعا جەتكەنٸن اتاپ ٶتتٸ. قىتاي مەن ورتالىق ازييانىڭ بەس ەلٸ اراسىنداعى جالپى ساۋدانىڭ جارتىسى قازاقستانعا تيەسٸلٸ.
سونىمەن قاتار قاسىم-جومارت توقاەۆ «بٸر بەلدەۋ, بٸر جول» باستاماسىن ودان ەرٸ ٸسكە اسىرۋ جٶنٸندەگٸ باسىم مٸندەتتٸ اتادى. مەملەكەت باسشىسى ەلٸمٸزدٸڭ تسيفرلىق تەحنولوگييالار مەن كٶلٸك جەنە لوگيستيكا سالالارىنداعى ىنتىماقتاستىقتى نىعاتيۋعا مٷددەلٸ ەكەنٸنە توقتالدى.
كەلٸسسٶز بارىسىندا تۋريزم جەنە مەدەني-گۋمانيتارلىق بايلانىستار سالاسىنداعى ىنتىماقتاستىقتى دامىتۋدىڭ پەرسپەكتيۆاسى, سونداي-اق قازاقستاندا قىتاي مەدەني ورتالىعىن اشۋ مەسەلەسٸ تالقىلاندى.
قحر تٶراعاسى «بٸرتۇتاس قىتاي» قاعيداتىنا قولداۋ كٶرسەتكەنٸ ٷشٸن قاسىم-جومارت توقاەۆقا العىس ايتىپ, ستراتەگييالىق ىنتىماقتاستىقتى ودان ەرٸ جان-جاقتى دامىتۋعا مٷددەلٸ ەكەنٸنە سەنٸم بٸلدٸردٸ.
سي تسزينپين قازاقستان مەن قحر اراسىنداعى بايلانىستاردىڭ الداعى 30 جىلداعى التىن دەۋٸرٸنە وسى كەزدەسۋ جول اشاتىنىن اتاپ ٶتتٸ.
قحر تٶراعاسى «بٸر بەلدەۋ - بٸر جول» باستاماسى جٷزەگە اسىرىلىپ جاتقان 9 جىل ٸشٸندەگٸ وڭ ىنتىماقتاستىقتى اتاپ ٶتتٸ. سونداي-اق سي تسزينپين اۋىل شارۋاشىلىعى, جاسىل ەنەرگەتيكا, جاساندى ينتەللەكت, قارجى جەنە ەلەكتروندى ساۋدا سالالارىنداعى ٶزارا ىقپالداستىقتىڭ كەلەشەگٸنە دە باسا مەن بەردٸ.
قىتاي باسشىسى سي تسزينپين قاسىم-جومارت توقاەۆتىڭ پاراساتتى ەرٸ كٶرەگەن باسشىلىعىمەن قازاقستاننىڭ قۋاتتى ەرٸ ٶركەندەگەن مەملەكەتكە اينالاتىنىنا سەنٸم بٸلدٸردٸ. سونداي-اق ول ازيياداعى ٶزارا ٸس-قيمىل جەنە سەنٸم شارالارى جٶنٸندەگٸ كەڭەستٸڭ جۇمىسىنا جەنە ونىڭ ٶڭٸرلٸك قاۋٸپسٸزدٸكتٸ قامتاماسىز ەتۋ جٶنٸندەگٸ باستامالارىنا جوعارى باعا بەردٸ.
كەزدەسۋ سوڭىندا سي تسزينپين قاسىم-جومارت توقاەۆتىڭ قازاقستانعا شاقىرۋىن قابىل الىپ, الداعى كٷزدە ەلٸمٸزگە مەملەكەتتٸك ساپارمەن كەلۋ جٶنٸندەگٸ جوسپارىمەن بٶلٸستٸ.
سونىمەن قاتار سي تسزينپين قاسىم-جومارت توقاەۆپەن تۇراقتى بايلانىس جاساپ تۇرۋعا دايىن ەكەنٸن جەتكٸزدٸ.
