قازاقستان پرەزيدەنتٸ قاسىم-جومارت توقاەۆتىڭ شۆەيتسارييا كونفەدەراتسيياسىنا رەسمي ساپارى ددسۇ باس ديرەكتورى تەدروس ادحانوم گەبرەيەسۋسپەن كەزدەسۋدەن باستالدى, دەپ حابارلايدى اقوردانىڭ باسپاسٶز قىزمەتٸ.
ەڭگٸمە بارىسىندا قازاقستان مەن ددسۇ اراسىنداعى ىقپالداستىقتىڭ ٶزەكتٸ مەسەلەلەرٸ مەن پەرسپەكتيۆالارى تالقىلاندى.
مەملەكەت باسشىسى باس ديرەكتورعا ەلٸمٸزدٸڭ پاندەميياعا قارسى ٸس-قيمىلدار جٶنٸندە قابىلداپ جاتقان شارالارى, ونىڭ ٸشٸندە قازاقستاندىق عالىمداردىڭ كوروناۆيرۋسقا قارسى ەزٸرلەگەن پرەپاراتتارى مەن حالىققا جاپپاي ۆاكتسينا سالۋ جۇمىستارىنىڭ جٷرگٸزٸلۋ بارىسى تۋرالى مەلٸمەت بەردٸ.
قاسىم-جومارت توقاەۆ تەدروس اندحانوم گەبرەيەسۋسپەن بۇعان دەيٸنگٸ كەزدەسۋلەرٸن ەسكە الا وتىرىپ, دٷنيەجٷزٸلٸك دەنساۋلىق ساقتاۋ ۇيىمى قازاقستاننىڭ سەنٸمدٸ ەرٸپتەسٸ ەكەنٸن اتاپ ٶتتٸ.
— بٸز سٸزدٸڭ دٷنيەجٷزٸلٸك دەنساۋلىق ساقتاۋ ۇيىمىن دامىتۋعا قوسقان ٷلەسٸڭٸزدٸ جوعارى باعالايمىز. ٶكٸنٸشكە قاراي, ەلەم كٷردەلٸ كەزەڭدٸ باستان كەشٸرٸپ جاتىر. قازٸر كوروناۆيرۋستٸڭ جاڭا شتاممى — «وميكرون» انىقتالدى. بٸز ٸندەتپەن كٷرەستە ەردايىم بٸرگە بولۋىمىز كەرەك, — دەدٸ پرەزيدەنت.
قاسىم-جومارت توقاەۆ تەدروس ادحانوم گەبرەيەسۋسكە ەكٸنشٸ جاڭا QazCoVac-P ۆاكتسيناسى تۋرالى ايتتى.
اتالعان پرەپارات كلينيكالىق زەرتتەۋلەر فازاسىنا كانديدات ۆاكتسينالار تٸزٸمٸنە ەنگٸزٸلدٸ.
پرەزيدەنت قازاقستاندىق ۆاكتسيناعا قولداۋ كٶرسەتكەنٸ ٷشٸن ددسۇ باسشىسىنا العىس ايتتى.
مەملەكەت باسشىسى ددسۇ-نىڭ ۆاكتسيناعا تەڭ قۇقىقتى جەنە ەدٸل قولجەتٸمدٸلٸكتٸ قامتاماسىز ەتۋگە ۇمتىلىسىن تولىق قولدايتىنىن اتاپ ٶتٸپ, قازاقستاندىق ۆاكتسينانى مۇقتاج ەلدەردٸڭ بەرٸنە ۇسىنۋعا دايىن ەكەنٸن جەتكٸزدٸ.
كەزدەسۋدە حالىقتىڭ دەنساۋلىعىن جاقسارتۋ ٷشٸن حالىقارالىق كٷش-جٸگەردٸ جۇمىلدىرۋ قاجەت ەكەنٸ ايتىلدى.
وسى رەتتە مەملەكەت باسشىسى دەنساۋلىق ساقتاۋ جٷيەسٸندەگٸ ەكٸ ماڭىزدى – العاشقى مەديتسينالىق-سانيتارلىق كٶمەك پەن دەنساۋلىق ساقتاۋ سالاسىندا كٶرسەتٸلەتٸن قىزمەتپەن حالىقتى جاپپاي قامتۋ باعىتتارىن بٸرٸكتٸرۋ تۋرالى ۇسىنىسىن جەتكٸزدٸ.
تەدروس اندحانوم گەبرەيەسۋس قاسىم-جومارت توقاەۆتىڭ ددسۇ-نىڭ ماقساتتارى مەن ٸس-قيمىلدارىنا, سونىڭ ٸشٸندە العاشقى مەديتسينالىق-سانيتارلىق كٶمەكتٸ دامىتۋعا بايلانىستى باستامالارىنا بەيٸلدٸلٸگٸ ٷشٸن قولداۋ بٸلدٸردٸ.
ۇيىمنىڭ باس ديرەكتورى پرەزيدەنتكە ٶز كەزەگٸندە قاسىم-جومارت توقاەۆقا كوروناۆيرۋسقا قارسى كٷرەس جٶنٸندە قابىلدانىپ جاتقان شارالار, ۆيرۋستىڭ جاڭا شتامدارى جەنە پاندەمييانىڭ ودان ەرٸ ٶرشۋ ستسەناريٸنە قاتىستى بولجامدار تۋرالى مەلٸمەت بەردٸ.
تەدروس اندحانوم گەبرەيەسۋس وسى ٶلٸمگە سوقتىراتىن اسا قاۋٸپتٸ ٸندەتپەن كٷرەستە ۆاكتسينا سالۋدىڭ اسا ماڭىزدى ەكەنٸن اتاپ ٶتتٸ.
