قاسىم-جومارت توقاەۆ پەن سادىر جاپاروۆ قىرعىزستان استاناسىنداعى «تەاتر» گٷلزارىنىڭ ورتالىق اللەياسىنا قويىلعان ۇلى اباي ەسكەرتكٸشٸنٸڭ اشىلۋ سالتاناتىنا قاتىستى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
مەملەكەت باسشىسى بۇل كٷندٸ قازاق پەن قىرعىزدىڭ رۋحاني ٶمٸرٸندەگٸ ەرەكشە كٷن رەتٸندە باعالاپ, بٸشكەك تٶرٸندە اباي ەسكەرتكٸشٸنٸڭ بوي كٶتەرۋٸن قىرعىز ەلٸنٸڭ قازاق حالقىنا دەگەن ايرىقشا قۇرمەتٸنٸڭ بەلگٸسٸ دەپ اتاپ ٶتتٸ.
قاسىم-جومارت توقاەۆ وسى يگٸ باستاماعا قولداۋ كٶرسەتكەنٸ ٷشٸن سادىر جاپاروۆقا زور ريزاشىلىعىن بٸلدٸرٸپ, بۇل قادام الاتاۋدىڭ بٶكتەرٸن قاتار جايلاعان ەكٸ ەلدٸڭ باۋىرلاستىعىن بەكەمدەي تٷسەتٸنٸن ايتتى.
– اعايىن ەلدەردٸڭ تامىرلاستىعىن كەزٸندە اباي دا ايتقان. ۇلى اقىن قازاقتىڭ تاريحىنا توقتالعان كەزدە قىرعىز باۋىرلاردى ەرەكشە اتاپ ٶتكەن. ول «ەش قازاق قىرعىز بەن قازاقتىڭ بٸر تۇقىمداس ەكەنٸنە تالاسپايدى» دەگەن. شىن مەنٸندە, ەكٸ ۇلتتىڭ تەگٸ مەن تٸلٸ بٸر, جٷرەگٸ مەن تٸلەگٸ بٸر. ايىر قالپاقتى اعايىنعا بٸزدٸڭ ىقىلاسىمىز قاشاندا ەرەكشە. كٶپ ۇزاماي ەلٸمٸزدە ماناس ەسكەرتكٸشٸ بوي كٶتەرەدٸ. بۇل ەسٸم قازاق اراسىندا ٶتە تانىمال. ەيگٸلٸ ماناسقا قۇرمەتٸمٸز ەرەكشە. ماناستانۋ عىلىمىنىڭ نەگٸزٸن قالاعان شوقان ۋەليحانوۆ ەكەنٸن ەسكە سالعىم كەلەدٸ. «ماناس» جىرىنىڭ تاعدىرى تارتىسقا تٷسكەن كەزدە وعان مۇحتار ەۋەزوۆ اراشا تٷسكەنٸن بٸلەمٸز, – دەدٸ قازاقستان پرەزيدەنتٸ.
قاسىم-جومارت توقاەۆ وسىنىڭ بەرٸن بٸر-بٸرٸمٸزگە دەگەن جاناشىرلىق پەن تٸلەكتەستٸكتٸڭ كٶرٸنٸسٸ دەپ اتاپ ٶتٸپ, ەكٸ ەلدٸڭ باۋىرلاستىعى مەن دوستىعى ەشقاشان مىزعىمايتىنىنا سەنٸم بٸلدٸردٸ. سونداي-اق قىرعىز حالقىنا باق-بەرەكە تٸلەدٸ.
سادىر جاپاروۆ سٶيلەگەن سٶزٸندە وسى كٷندٸ قىرعىز-قازاق ٷشٸن ماڭىزدى كٷن دەپ اتاپ ٶتتٸ.
– فيلوسوف, گۋمانيست تۇلعا, قازاقتىڭ ۇلى اقىنى ابايعا بٸشكەك قالاسىندا قويىلعان ەسكەرتكٸشتٸڭ اشىلۋىمەن بارشاڭىزدى قۇتتىقتايمىن. ەكٸ ەلگە ورتاق تۇلعاعا ديپلوماتييامىزدىڭ 30 جىلدىعى قارساڭىندا قۇرمەت كٶرسەتٸلٸپ وتىرعانى – ەرەكشە وقيعا. جازدا جايلاۋى, قىستا قىستاۋى قوڭسى قونعان ەكٸ حالىقتىڭ رۋحاني ەلەمٸنٸڭ جاقىندىعىن اباي مەن توقتوعۇلدىڭ, مۇحتار مەن شىڭعىستىڭ مۇرالارى كٶرسەتٸپ كەلەدٸ. ابايدىڭ 175 جىلدىعى كەزٸندە ۇلتتىق كٸتاپحانادان ارنايى مەدەني بۇرىش اشىلعانىن دا ەسكە سالعىم كەلەدٸ. بٸزدٸڭ باۋىرلاس قازاق حالقىمەن دوستىعىمىز بارلىق سالادا دامي بەرەتٸنٸنە سەنەمٸن, – دەدٸ قىرعىزستان پرەزيدەنتٸ.
بۇدان كەيٸن مەملەكەت باسشىسى قاسىم-جومارت توقاەۆ ەسكەرتكٸشتٸڭ اشىلۋىنا جينالعان ەكٸ ەلدٸڭ زييالى قاۋىم ٶكٸلدەرٸمەن كەزدەسٸپ, پٸكٸر الماستى.
