قاسىم-جومارت توقاەۆ ەۋرازييالىق ٷكٸمەتارالىق كەڭەستٸڭ وتىرىسىنا قاتىسۋ ٷشٸن قازاقستانعا كەلگەن ارمەنييانىڭ پرەمەر-مينيسترٸ نيكول پاشينيانمەن كەلٸسسٶز جٷرگٸزدٸ.
بۇل تۋرالى اقوردانىڭ رەسمي سايتى حابارلادى.
كەزدەسۋ بارىسىندا ولار ساۋدا-ەكونوميكالىق بايلانىستاردى, سونىڭ ٸشٸندە ەۋرازييالىق ەكونوميكالىق وداق اياسىنداعى ىنتىماقتاستىقتى نىعايتۋعا باسا نازار اۋدارا وتىرىپ, قازاقستان مەن ارمەنييا اراسىنداعى قاتىناستاردىڭ دامۋ پەرسپەكتيۆالارىن قاراستىردى. تاراپتار حالىقارالىق ۇيىمدار اياسىنداعى ٶزارا ٸس-قيمىلدار مەن ۋكراينا تٶڭٸرەگٸندەگٸ جاعدايدى تالقىلادى.
مەملەكەت باسشىسى ارمەنييا پرەمەر-مينيسترٸنە ٸلتيپات بٸلدٸرٸپ, ەكٸجاقتى ىنتىماقتاستىقتىڭ قارقىندى دامىپ كەلە جاتقانىن اتاپ ٶتتٸ.
– بيىل بٸزدٸڭ ديپلوماتييالىق قاتىناستارىمىزدىڭ ورناعانىنا 30 جىل. بۇل – ٶتە ماڭىزدى داتا. ەكٸ ەل اراسىندا جوعارى دەڭگەيلەردەگٸ اشىق ساياسي ديالوگ جولعا قويىلعان. پارلامەنتتٸك, مەدەني-گۋمانيتارلىق بايلانىستارىمىز دامىپ كەلەدٸ, – دەدٸ پرەزيدەنت.
مەملەكەت باسشىسى ارمەنييانىڭ ۇجىمدىق قاۋٸپسٸزدٸك تۋرالى شارت ۇيىمىنداعى تٶراعالىعىن جوعارى باعالاپ, قاڭتارداعى قايعىلى وقيعالار كەزٸندە ۇقشۇ-نىڭ بٸتٸمگەرلٸك كونتينگەنتٸن قازاقستانعا جٸبەرۋ تۋرالى شەشٸمدٸ قولداعانى ٷشٸن نيكول پاشينيانعا ريزاشىلىعىن بٸلدٸردٸ.
ٶز كەزەگٸندە ارمەنييا ٷكٸمەتٸنٸڭ باسشىسى قوناقجايلىق كٶرسەتكەنٸ جەنە ەۋرازييالىق ٷكٸمەتارالىق كەڭەس وتىرىسىنىڭ جوعارى دەڭگەيدە ۇيىمداستىرىلعانى ٷشٸن العىس ايتتى.
– قازاقستانمەن اراداعى قارىم-قاتىناستارىمىزدىڭ تابىستى دامىپ كەلە جاتقانىنا قۋانىشتىمىن. قازٸر ەۋرازييالىق ەكونوميكالىق وداق فورماتىندا ەكونوميكالىق ىنتىماقتاستىق پەن ەۋرازييالىق ەكونوميكالىق كەڭٸستٸكتٸ ودان ەرٸ دامىتۋ مەسەلەلەرٸن تالقىلاپ جاتىرمىز, – دەدٸ نيكول پاشينيان.
سونداي-اق پرەمەر-مينيستر نيكول پاشينيان ۇقشۇ-نىڭ داعدارىسقا قارسى ەرەكەت ەتۋ تەتٸكتەرٸن وڭ باعالاپ, ارمەنييانىڭ ۇيىمعا تٶراعالىعى اياسىندا وسى مەسەلەگە باسىمدىق بەرٸلەتٸنٸن اتاپ ٶتتٸ.
