پارلامەنت سەناتىنىڭ جالپى وتىرىسىندا «سۋعا باتىپ كەتكەن كەمەلەردٸ جويۋ تۋرالى 2007 جىلعى نايروبي حالىقارالىق كونۆەنتسيياسىن راتيفيكاتسييالاۋ تۋرالى» زاڭى قابىلداندى, دەپ حابارلايدى قازاقپارات.
كونۆەنتسييا حالىقارالىق تەڭٸز ۇيىمىنىڭ باستاماسىمەن قابىلدانعان جەنە كونۆەنتسيياعا 53 مەملەكەت قوسىلدى.
كونۆەنتسييانىڭ نەگٸزگٸ ماقساتى - سۋعا باتقان كەمەلەردٸ تەز ەرٸ تيٸمدٸ الىپ شىعارى, اپات سالدارىن جويۋدىڭ بٸرىڭعاي قاعيدالارى مەن رەسٸمدەرٸن ەنگٸزۋ.
«كونۆەنتسييادا تەڭٸز اپاتى كەزٸندە بولعان زالالدى قارجىلاي ٶتەۋدٸ كەپٸلدەندٸرۋ بويىنشا كەمە يەسٸنٸڭ جەنە جٷزگەندە تۋى كٶتەرٸلگەن مەملەكەتتٸڭ مٸندەتتەرٸ بەكٸتٸلگەن. قۇجاتتى راتيفيكاتسييالاۋ قاجەتتٸلٸگٸ كاسپيي تەڭٸزٸندە كەمە قاتىناسىنىڭ ارتۋىنا بايلانىستى تۋىنداپ وتىر. بۇل رەتتە, قازاقستان - نەگٸزگٸ جٷك قۇراۋشى مەملەكەت. كاسپيي تەڭٸزٸندە جالپى جٷكتٸڭ 31 پايىزى اقتاۋ جەنە قۇرىق پورتتارىندا تيەلەدٸ. سونىمەن قاتار, 2020 جىلى يراننىڭ كاسپيي جاعالاۋىنداعى پورتتارىمەن جاڭا اۆتوموبيل-پاروم قاتىناسى اشىلدى جەنە تۇراقتى كونتەينەرلٸك جەلٸ ٸسكە قوسىلدى», - دەدٸ قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ.
وسى ورايدا ول ەلٸمٸز ترانسكاسپيي حالىقارالىق كٶلٸك دەلٸزٸن بەلسەندٸ تٷردە دامىتىپ وتىرعانىن اتاپ ٶتتٸ. جالپى العاندا, 2025 جىلعا قاراي قازاقستاننىڭ پورتتارى ارقىلى جٷك كٶلەمٸن 10 ملن تونناعا دەيٸن (2020 جىلى – 5,4 ملن توننا) جەتكٸزۋ جوسپارلانىپ وتىر.
«وسى جاعدايدا پورتتارعا كٸرەتٸن كەمەلەر سانى ەكٸ ەسەگە ۇلعايادى. تيٸسٸنشە تەڭٸز اپاتتارىنىڭ بولۋ تەۋەكەلٸ ارتادى. كونۆەنتسييانى راتيفيكاتسييالاۋ تەڭٸز اپاتتارى بولعان كەزدە قازاقستاننىڭ مٷددەلەرٸن قورعاۋ ٷشٸن قاجەتتٸ جاعدايلار جاسايدى. بٸرٸنشٸدەن, ەلٸمٸزدٸڭ سۋلارىنا كٸرەتٸن كەمە يەلەرٸنٸڭ ٶز جاۋاپكەرشٸلٸگٸن ساقتاندىرۋ نەمەسە سۋعا باتقان كەمەنٸ الىپ شىعارۋ مٸندەتٸن بەلگٸلەيدٸ. بۇل قازاقستانعا كەمەنٸ كٶتەرۋ شىعىندارىن ٶتەۋدٸ تٸكەلەي ساقتاندىرۋ كومپانيياسىنان تالاپ ەتۋگە مٷمكٸندٸك بەرەدٸ. ەكٸنشٸدەن, تۋىن كٶتەرٸپ جٷزەتٸن مەملەكەتتٸڭ تەڭٸز ەكٸمشٸلٸگٸنەن كەمەنٸ كٶتەرۋ جەنە اپات سالدارىن جويۋ مٸندەتتەرٸن ورىنداۋدى ساقتاندىرۋ تۋرالى كۋەلٸك تٷرٸندە كەپٸلدٸك الادى. ٷشٸنشٸدەن, تەڭٸز اپاتى بولعان جاعدايدا قازاقستاننىڭ تەڭٸز ەكٸمشٸلٸگٸنٸڭ, كەمە يەسٸنٸڭ جەنە شەتەلدٸك كەمەنٸڭ تەڭٸز ەكٸمشٸلٸگٸنٸڭ ٸس-قيمىل تەرتٸبٸن انىقتايدى. كونۆەنتسييانى راتيفيكاتسييالاۋ قوسىمشا بيۋدجەت قاراجاتىن قاجەت ەتپەيدٸ», - دەدٸ ب. اتامقۇلوۆ.
