قازاقستان پاسپورتى 2020 جىلعى Henley Passport Index نەمەسە ساياحات ٷشٸن ىڭعايلى تٶلقۇجاتتار رەيتينگٸندە 199 ەلدٸڭ اراسىندا 67-ورىنعا ورنالاستى. بۇل تۋرالى Henley & Partners كونسالتينگتٸك كومپانيياسى سەيسەنبٸ كٷنٸ جارييالاعان مەلٸمەتتە ايتىلعان, دەپ حابارلايدى "ۇلت اقپارات".
Henley Passport Index رەيتينگٸ حالىقارالىق ەۋە كٶلٸگٸ قاۋىمداستىعىنىڭ (IATA) ەكسكليۋزيۆتٸ مەلٸمەتتەرٸنە نەگٸزدەلگەن جەنە 199 ەلدٸڭ تٶلقۇجاتى مەن 227 تۋريستٸك باعىتتى قامتيدى. جەنە كەز كەلگەن ەلدە ۆيزالىق ساياساتتىڭ ٶزگەرتٸلۋٸنە بايلانىستى جىل بويى جاڭارتىلىپ وتىرادى.
2020 جىلعى Henley Passport Index رەيتينگٸندە ۆيزاسىز قاتىناۋعا بولاتىن ەر مەملەكەت ٷشٸن 1 بالدان بەرٸلگەن. قازاقستان تٶلقۇجاتى ەلەم ەلدەرٸ مەن ايماقتارعا ۆيزاسىز بارۋ بويىنشا 76 بالل جيناپ, 67-ورىنعا تۇراقتادى. ياعني, ەلٸمٸز ازاماتتارى 76 ەلگە ۆيزاسىز قاتىناي الادى.
كٶش باسىندا – جاپونييا. كٷنشىعىس ەلٸ تٶلقۇجاتىندا 191 ۇپاي بار, ول ٷشٸنشٸ جىل قاتارىنان بٸرٸنشٸ ورىن الىپ وتىر. سينگاپۋر پاسپورتى 190 ۇپايمەن – ەكٸنشٸ ورىندا, ال وڭتٷستٸك كورەيا مەن گەرمانييا 189 ۇپايمەن – ٷشٸنشٸ پوزيتسييادا.
رەسەي تٶلقۇجاتى 118 ۇپايمەن 51-ساتىعا ورنالاسسا, 71 ەلگە ۆيزاسىز كٸرۋ (نەمەسە كەلۋ بويىنشا ۆيزا) مٷمكٸندٸگٸن جاساعان قىتاي بارلىق ەلدەر اراسىندا 72-شٸ ورىندا تۇر.
بۇدان بٶلەك, بەلارۋس 68-ٸنشٸ, ەزەربايجان - 76, قىرعىزستان - 80, ارمەنييا - 81, تەجٸكستان - 84, ٶزبەكستان - 85 جەنە تٷرٸكمەنستان 90-ورىندا.
ال تٸزٸم سوڭىنا اۋعانستان پاسپورتى ورنالاستىرىلعان. اۋعان تٶلقۇجاتىنىڭ يەلەرٸ ەلەمنٸڭ 26 باعىتىنا عانا ۆيزاسىز كٸرە الادى.
يراك پەن سيرييانىڭ تٶلقۇجاتتارى سوڭىنان ساناعاندا ەكٸنشٸ جەنە ٷشٸنشٸ ورىنداردا.
