بٷگٸن حورەزم وبلىسىنىڭ ٷرگەنٸش قالاسىندا قر پرەمەر-مينيسترٸ اسقار مامين ٶر پرەمەر-مينيسترٸ ابدۋللا اريپوۆپەن كەلٸسسٶز ٶتكٸزدٸ. بۇل تۋرالى قازاقپارات primeminister.kz سٸلتەمە جاساپ حابارلايدى.
سونداي-اق, اسقار مامين قازاقستان مەن ٶزبەكستاننىڭ ايماقارالىق ىنتىماقتاستىعىنىڭ ٸٸ فورۋمىنا قاتىستى.
«بٸزدٸڭ كٶشباسشىلارىمىزدىڭ ساياسي كٶرەگەندٸلٸگٸنٸڭ ارقاسىندا قازاقستان مەن ٶزبەكستان اراسىنداعى ستراتەگييالىق ەرٸپتەستٸك ساپالىق تۇرعىدا جاڭا دەڭگەيگە جەتتٸ», — دەدٸ ا. مامين.
قازاقستان ٷكٸمەتٸنٸڭ باسشىسى ەكٸجاقتى ساۋدا اينالىمىن ودان ەرٸ ۇلعايتۋ بويىنشا قول جەتكٸزٸلگەن ۋاعدالاستىقتار قازٸرگٸ ٶزارا مٷددەلەردٸ بەلسەندٸ جٷزەگە اسىرۋ جەنە جاڭا باعىتتارىن ٸزدەستٸرۋ قاجەتتٸگٸن كٶرسەتٸپ وتىرعانىن ايتتى.
كەزدەسۋ بارىسىندا ساۋدا-ەكونوميكالىق, ينۆەستيتسييالىق, اۋىل شارۋاشىلىعى, ترانزيتتٸك-كٶلٸك, سۋ-ەنەرگەتيكالىق, توقىما, ماشينا جاساۋ, تۋريستٸك, ەكولوگييالىق سالالاردا, سونداي-اق قارجى تەحنولوگييالارى مەن ايماقارالىق ىنتىماقتاستىق سالاسىنداعى ەكٸجاقتى ىنتىماقتاستىقتى ەرٸ قاراي دامىتۋ كەلەشەگٸ تالقىلاندى.
ا. مامين مەن ا. اريپوۆ «اگروٶنەركەسٸپتٸك كووپەراتسييا, ٶنەركەسٸپ جەنە تۋريزم سالاسىنداعى ايماقتىق بيزنەستٸڭ ىنتىماقتاستىعى» تاقىرىبىنداعى قر مەن ٶر ايماقارالىق ىنتىماقتاستىعىنىڭ II فورۋمىنىڭ قورىتىندى وتىرىسىنا قاتىستى, شاراعا 300-دەن اسا ادام — مەملەكەتتٸك ورگانداردىڭ, ٶڭٸرلەردٸڭ باسشىلارى مەن ەكٸ ەلدٸڭ ٸسكەرلٸك ورتا ٶكٸلدەرٸ جينالدى.
قر پرەمەر-مينيسترٸ شىمكەنت قالاسىنداعى «وڭتٷستٸك» اەا بازاسىندا جەڭٸل ٶنەركەسٸپ بويىنشا قازاقستان-ٶزبەكستان كلاستەرٸن قۇرۋ, تٷركٸستان, تاشكەنت, سامارقان, بۇحارا جەنە حورەزم وبلىستارىنداعى تۋريستٸك نىساندار بويىنشا بٸرلەسكەن تۋريستٸك باعىتتار اشۋ, كٶتەرمە-تاراتۋ جەنە اگرو-لوگيستيكالىق ورتالىقتاردى بٸرلەسٸپ دامىتۋ بويىنشا باستامالار كٶتەردٸ.
ا. مامين ەكٸ ەلدٸڭ ترانزيتتٸك-كٶلٸك جەنە لوگيستيكالىق سالالارداعى ىنتىماقتاستىعىنا ەرەكشە نازار اۋداردى.
«قازاقستان ٷشٸن سٸزدٸڭ ەل – وڭتٷستٸك ازيياعا شىعۋ جولى, ٶزبەكستان ٷشٸن بٸزدٸڭ اۋماق – ەاەو جەنە وڭتٷستٸك-شىعىس ازييا, كاۆكاز بەن ەۋروپا ەلدەرٸنٸڭ نارىعىنا شىعۋ مٷمكٸندٸگٸ «, — دەپ ا. مامين, «سولتٷستٸك-وڭتٷستٸك» دەلٸزٸنٸڭ ينفراقۇرىلىمىن قالىپتاستىرۋ, سونداي-اق ترانسكاسپيي حالىقارالىق كٶلٸك باعىتىن دامىتۋ بويىنشا بٸرلەسكەن ٸس-قيمىلدى جانداندىرۋ قاجەتتٸگٸن اتاپ ٶتتٸ.
فورۋم سوڭىندا ەكونوميكالىق ىنتىماقتاستىقتى دامىتۋ تۋرالى 52 قۇجاتقا, ونىڭ ٸشٸندە فورۋمنىڭ قورىتىندى دەكلاراتسيياسىنا, سونداي-اق ماشينا جاساۋ, اۋىل شارۋاشىلىعى, قارجى-بانك, ٶنەركەسٸپ, ينفراقۇرىلىم, فارماتسەۆتيكا جەنە باسقا دا سالالاردا جالپى سوماسى $500 ملن جۋىق بولاتىن ۆەدومستۆوارالىق, ايماقارالىق جەنە كوممەرتسييالىق كەلٸسٸمدەرگە قول قويىلدى.
فورۋم ەكٸ ەلدٸڭ ٸسكەرلٸك ورتا ٶكٸلدەرٸنە B2B (business-to-business) فورماتىندا كەزدەسۋلەر ٶتكٸزٸپ, ارنايى ۇيىمداستىرىلعان كٶرمەدە ٶزدەرٸنٸڭ ٶندٸرٸستٸك جەنە ينۆەستيتسييالىق مٷمكٸندٸكتەرٸن پاش ەتۋگە مٷمكٸندٸك بەردٸ.
