قازاقستاندىق كاراتەشٸ سوفيا بەرۋلتسەۆا (61 كەلٸ) توكيو وليمپياداسىنىڭ جارتىلاي فينالىندا ۇتىلىپ, قولا مەدالدٸ قاناعات تۇتتى, دەپ حابارلايدى "ۇلت اقپارات".
جارتىلاي فينالدا جەرلەسٸمٸز مىسىرلىق فەريال ابدەلازيزبەن كەزدەسٸپ, 4:5 ەسەبٸمەن ۇتىلدى.
بٸرٸنشٸ اينالىمدا وتانداسىمىز ٷش دٷركٸن ەۋروپا چەمپيونى, ەلەم چەميوناتىنىڭ ەكٸ دٷركٸن جٷلدەگەرٸ تٷركييالىق مەلتەم حودجاوگلۋمەن كەزدەسكەن ەدٸ. تارتىستى جەكپە-جەك تەڭ اياقتالدى. وسىلايشا, ەكەۋٸ بٸر-بٸر ۇپايدان الىپ كەتتٸ.
ال ەكٸنشٸ جەكپە-جەكتە يتالييالىق سيلۆييا سەمەرارونى, ودان كەيٸن يرينا زارەتسكايادان 5:4 ەسەبٸمەن باسىم تٷسكەن. وسىلايشا, 5 ۇپايمەن مەرزٸمٸنەن بۇرىن جارتىلاي فينالعا جولداما العان بولاتىن. بٸراق قارسىلاسىنان ۇتىلىپ, قولا مەدالدٸ قاناعات تۇتتى.
ايتا كەتەرٸ, بۇعان دەيٸن كاراتەشٸمٸز دارحان اسادٸلوۆ تا جارتىلاي فينالعا شىعىپ, ارى قاراي ٶتە المادى. سٶيتٸپ, قولا جٷلدەگەر اتاندى.
قازاقستان قۇراماسى ٷشٸن توكيو وليمپياداسى وسىمەن اياقتالدى. ەرتەڭ, وليمپيادانىڭ سوڭعى كٷنٸندە قازاق سپورتشىلارى سىنعا تٷسپەيدٸ.
بۇل جولعى جازعى وليمپيادادا ەل قورجىنىنا بارلىعى سەگٸز مەدال تٷستٸ, ونىڭ بەرٸ — قولا.
وليمپيادا-2020 قولا جٷلدەگەرلەرٸ:
ەلدوس سمەتوۆ (دزيۋدو);
يگور سون (اۋىر اتلەتيكا);
زۋلفييا چينشانلو (اۋىر اتلەتيكا);
قامشىبەك قوڭقاباەۆ (بوكس);
سەكەن بيبوسىنوۆ (بوكس);
نۇريسلام ساناەۆ (ەركٸن كٷرەس);
دارحان اسادٸلوۆ (كاراتە);
سوفيا بەرۋلتسەۆا (كاراتە).
