بٷگٸن قازاقستان مۇسىلماندارى دٸني باسقارماسىنىڭ تٶراعاسى ناۋرىزباي قاجى تاعانۇلى جاڭاٶزەن قالاسىندا قوس شەكٸرتكە بٸلٸم گرانتىن تابىستادى, دەپ حابارلايدى "ۇلت اقپارات".
«بٸز دٸني باسقارمانىڭ 30 جىلدىق مەرەيتويى اياسىندا 30 ستۋدەنتكە قولداۋ كٶرسەتۋ يگٸ جوباسىن قولعا العان بولاتىنبىز. بۇعان دەيٸن بٸرقاتار وبلىستا شەكٸرتتەرگە بٸلٸم گرانتىن تابىستادىق. ماقسات – ەل بولاشاعى بولعان جاستارىمىزدىڭ تولىققاندى بٸلٸم الۋىنا كٶمەكتەسۋ. بٷگٸن ەكٸ بٸلٸم گرانتى جاڭاٶزەن قالاسىنداعى قوس شەكٸرتٸمٸزگە بۇيىرىپ وتىر. اللا تاعالا بٸلٸمدەرٸڭدٸ ارتتىرىپ, ەل يگٸلٸگٸ جولىندا قىزمەت ەتە بەرۋلەرٸڭە تٸلەكتەسپٸن», - دەپ يگٸ نيەتٸن جەتكٸزدٸ باس مٷفتي ناۋرىزباي قاجى تاعانۇلى.
قازاقستان مۇسىلماندارى دٸني باسقارماسى باسپاسٶز قىزمەتٸنٸڭ مەلٸمەتٸنشە, قمدب بٸلٸم گرانتىن يەلەنگەن ەكٸ شەكٸرتتٸڭ بٸرٸ ايدوس بولاتۇلى – «نۇر-مٷبەراك» ۋنيۆەرسيتەتٸنٸڭ بٸرٸنشٸ كۋرس ستۋدەنتٸ, ەكٸنشٸسٸ قۋانىش سايدوللا – الماتىداعى «ەبۋ حانيفا» مەدرەسە-كوللەدجٸنٸڭ ەكٸنشٸ كۋرس شەكٸرتٸ.
