Búgin Qazaqstan musylmandary dini basqarmasynyń tóraǵasy Naýryzbai qajy Taǵanuly Jańaózen qalasynda qos shákirtke bilim grantyn tabystady, dep habarlaidy "Ult aqparat".
«Biz Dini basqarmanyń 30 jyldyq mereitoiy aiasynda 30 stýdentke qoldaý kórsetý igi jobasyn qolǵa alǵan bolatynbyz. Buǵan deiin birqatar oblysta shákirtterge bilim grantyn tabystadyq. Maqsat – el bolashaǵy bolǵan jastarymyzdyń tolyqqandy bilim alýyna kómektesý. Búgin eki bilim granty Jańaózen qalasyndaǵy qos shákirtimizge buiyryp otyr. Alla Taǵala bilimderińdi arttyryp, el igiligi jolynda qyzmet ete berýlerińe tilektespin», - dep igi nietin jetkizdi Bas múfti Naýryzbai qajy Taǵanuly.
Qazaqstan musylmandary dini basqarmasy baspasóz qyzmetiniń málimetinshe, QMDB bilim grantyn ielengen eki shákirttiń biri Aidos Bolatuly – «Nur-Múbárak» ýniversitetiniń birinshi kýrs stýdenti, ekinshisi Qýanysh Saidolla – Almatydaǵy «Ábý Hanifa» medrese-kolledjiniń ekinshi kýrs shákirti.
