قازاقستان مۇسىلماندارى دٸني باسقارماسى Covid-19 كوروناۆيرۋسٸنە قاتىستى مەلٸمدەمە جاسادى, دەپ حابارلايدى قازاقپارات.
مەلٸمدەمە قازاقستان مۇسىلماندارى دٸني باسقارماسىنىڭ رەسمي سايتىندا جارييالاندى.
«بٷگٸندە بٷكٸل ەلەم حالقىنا كوروناۆيرۋس قاۋپٸ ٷرەي سەۋٸپ, دەرتتٸڭ ٶزٸنەن گٶرٸ كٷننەن-كٷنگە ٶرشەلەنە تٷسكەن داقپىرتى مەن دابىلى دٷنيەجٷزٸن دٷرلٸكتٸرۋدە. جاڭالىقتان دا ەستيتٸنٸمٸز, جان-جاقتاعى جۇرتتىڭ كٶبٸ شەكاراسىن قىمتاپ, قاۋٸپتٸڭ بەتٸن العان بٸرقاتار ساقتىق شارالارى جٷزەگە اسىرىلعان. اللاعا شٷكٸر, اتالمىش دەرتتٸڭ بٸزدٸڭ ەلٸمٸزدە بەلگٸسٸ دە جوق, شەتتەن كەلگەن ازاماتتارىمىز دٸن امان.
الايدا, «ساقتانساڭ – ساقتايمىن» دەمەكشٸ, تٶرتكٷل ەلەمگە تٷگەل قاۋٸپ تٶندٸرگەن دەرتكە نەمقۇرايلىق تانىتىپ, نەمكەتتٸ قاراۋ – ٶزٸمٸز ٷشٸن عانا ەمەس, جانىمىزداعى جانداردىڭ ٶمٸرٸنە دە ەسەرٸن تيگٸزەرٸ بەك مٷمكٸن. وسى ورايدا, قازاقستان مۇسىلماندارى دٸني باسقارماسى ەلٸمٸزدٸڭ ەربٸر ازاماتىن قوعامدىق ورىنداردا تازالىق ەرەجەلەرٸن ساقتاپ, ٶز دەنساۋلىقتارىنا اسقان مۇقيياتتىلىقپەن مەن بەرٸپ, ساقتانىپ جٷرۋگە شاقىرادى.
اللا تاعالا قاسيەتتٸ قۇراندا ادامزات بالاسىنا: «ٶزدەرٸڭدٸ ٶز قولدارىڭمەن قاۋٸپ-قاتەرگە سالماڭدار», – دەپ ەسكەرتۋ جاساعان. اللا بەرگەن امانات – ٶز ٶمٸرٸمٸز بەن دەنساۋلىعىمىزعا دۇرىس كٷتٸم جاساماي, قاۋٸپ-قاتەرگە كٶزسٸز ۇرىنار بولساق, تٷبٸندە وپىق جەيتٸنٸمٸز سٶزسٸز.
بۇل تۋرالى اللا ەلشٸسٸ (وعان اللانىڭ سالاۋاتى مەن سەلەمٸ بولسىن) ٶزٸنٸڭ بٸر ٶسيەتٸندە: «كٸمدە-كٸم ەسٸنەسە قولىمەن اۋزىن جاپسىن, ٶيتكەنٸ زيياندى نەرسەلەر اۋزىنا كٸرەدٸ», – دەپ بۇيىرعان.
سونداي-اق, شاريعاتتا جۇقپالى اۋرۋلاردىڭ جاي كٶزگە كٶرٸنبەيتٸن زيياندى كٷشٸ بارىن, بٸلٸنبەي تارايتىنىن جەنە اۋرۋدىڭ ەتەك الۋىن توقتاتۋدا كارانتين قاجەت ەكەنٸ اتاپ ايتىلعان. ٶيتكەنٸ, پايعامبارىمىز (وعان اللانىڭ سالاۋاتى مەن سەلەمٸ بولسىن) ادام بالاسىنىڭ ٶزٸنە دە, ٶزگەگە دە زييان كەلتۋرۋٸنە قاتاڭ تٷردە تىيىم سالعان.
قۇرمەتتٸ, وتانداستار! سٸزدە جٶتەل پايدا بولىپ, بويىڭىزدا دەنە قىزۋىنىڭ جوعارىلاۋى بايقالسا نەمەسە تىنىس الۋ قيىنعا سوققان جاعدايدا, دەر كەزٸندە دەرٸگەرگە جٷگٸنۋگە, سونداي-اق قوعامدىق ورىندارعا, تٸپتٸ مەشٸتكە كەلۋدٸ توقتاتىپ, قۇلشىلىقتارىڭىزدى ٷيلەرٸڭٸزدە ورىنداۋعا كەڭەس بەرەمٸز!
اللا تاعالا ەلٸمٸزدٸ, حالقىمىزدى تٷرلٸ پەلەدەن, اۋرۋدان, تٸل-كٶزدەن ساقتاعاي! ەمين!»,-دەلٸنگەن مەلٸمدەمەدە.
ايتا كەتەيٸك, وسىعان دەيٸن مەملەكەت باسشىسى قاسىم-جومارت توقاەۆ ٷكٸمەتكە كوروناۆيرۋسقا قارسى جان-جاقتى شارا قابىلداۋدى تاپسىرعان بولاتىن.
