فوتو: قر سجيم
قازاقستاندىق كومپانييالار ۋلان-باتورداعى بيزنەس-ميسسييا بارىسىندا موڭعولييامەن جالپى سوماسى $62,6 ملن بولاتىن ەكسپورتتىق كەلٸسٸمشارتتارعا قول قويدى. قازاقستان دەلەگاتسيياسىن قر ساۋدا جەنە ينتەگراتسييا بٸرٸنشٸ ۆيتسە-مينيسترٸ ايجان بيجانوۆا باستاپ باردى, دەپ حابارلايدى Ult.kz.
«بٸز موڭعولييانى ەكسپورت ٷشٸن ٶتە پەرسپەكتيۆالى نارىق دەپ سانايمىز. قازٸردٸڭ ٶزٸندە دايىن ٶنٸمدەردٸڭ ٷلەسٸ جوعارى, بيزنەس تاراپىنان ناقتى قىزىعۋشىلىق بار», - دەدٸ ايجان بيجانوۆا ۋلان-باتورداعى بيزنەس-فورۋمدا.
2025 جىلدىڭ قورىتىندىسى بويىنشا ەكٸ ەل اراسىنداعى تاۋار اينالىمى ٷش ەسەگە ٶسكەن. موڭعوليياعا ەكسپورتتىڭ 90%-دان استامى دايىن ٶنٸمدەر, ياعني شيكٸزات ەمەس تاۋارلار. ونىڭ ٸشٸندە ازىق-تٷلٸك پەن ٶنەركەسٸپ تاۋارلارى باسىم. بۇل قازاقستان ەكسپورتىنىڭ جوعارى قوسىلعان قۇنى بار ٶنٸمدەرگە اۋىسىپ جاتقانىن كٶرسەتەدٸ.
ۆيتسە-مينيستردٸڭ ايتۋىنشا, ەاەو مەن موڭعولييا اراسىنداعى ۋاقىتشا ساۋدا كەلٸسٸمٸ دە جاڭا مٷمكٸندٸكتەر اشادى. قۇجات 367-گە جۋىق تاۋارعا قاتىستى. ول كٷشٸنە ەنگەننەن كەيٸن بۇل ٶنٸمدەردٸ جەتكٸزۋ جەڭٸلدەيدٸ. سونىڭ ارقاسىندا قازاقستاندىق ەكسپورتتاۋشىلارعا موڭعولييا نارىعىنا شىعۋ وڭاي بولادى.
«قازٸر كەلٸسٸمدٸ كٷشٸنە ەنگٸزۋ بويىنشا جۇمىس جٷرٸپ جاتىر. جاقىن ۋاقىتتا ٸسكە اسادى دەپ كٷتەمٸز. بۇل وتاندىق كومپانييالار ٷشٸن ەكسپورتتى ۇلعايتىپ, موڭعولييامىن بٸرلەسكەن جوبالاردى ٸسكە قوسۋعا جول اشادى»,- دەيدٸ ايجان بيجانوۆا.
كەلەسٸ قادام - قازاقستاننىڭ ترانزيت مٷمكٸندٸكتەرٸن پايدالانۋ. بۇل موڭعوليياعا جٷك جەتكٸزۋدٸ جىلدامداتىپ, جاڭا باعىتتارعا شىعۋعا جول اشادى. سونىڭ ٸشٸندە ەاەو, كاۆكاز, تٷركييا جەنە ەۋروپا نارىقتارى بار.
ساۋدا ميسسيياسى موڭعولييا پرەزيدەنتٸ ۋحنااگيين حۋرەلسۋحتىڭ قازاقستانعا ساپارى قارساڭىندا ٶتٸپ جاتىر.
