Foto: QR SjIM
Qazaqstandyq kompaniialar Ýlan-Batordaǵy biznes-missiia barysynda Mońǵoliiamen jalpy somasy $62,6 mln bolatyn eksporttyq kelisimsharttarǵa qol qoidy. Qazaqstan delegatsiiasyn QR Saýda jáne integratsiia birinshi vitse-ministri Aijan Bijanova bastap bardy, dep habarlaidy Ult.kz.
«Biz Mońǵoliiany eksport úshin óte perspektivaly naryq dep sanaimyz. Qazirdiń ózinde daiyn ónimderdiń úlesi joǵary, biznes tarapynan naqty qyzyǵýshylyq bar», - dedi Aijan Bijanova Ýlan-Batordaǵy biznes-forýmda.
2025 jyldyń qorytyndysy boiynsha eki el arasyndaǵy taýar ainalymy úsh esege ósken. Mońǵoliiaǵa eksporttyń 90%-dan astamy daiyn ónimder, iaǵni shikizat emes taýarlar. Onyń ishinde azyq-túlik pen ónerkásip taýarlary basym. Bul Qazaqstan eksportynyń joǵary qosylǵan quny bar ónimderge aýysyp jatqanyn kórsetedi.
Vitse-ministrdiń aitýynsha, EAEO men Mońǵoliia arasyndaǵy ýaqytsha saýda kelisimi de jańa múmkindikter ashady. Qujat 367-ge jýyq taýarǵa qatysty. Ol kúshine engennen keiin bul ónimderdi jetkizý jeńildeidi. Sonyń arqasynda qazaqstandyq eksporttaýshylarǵa Mońǵoliia naryǵyna shyǵý ońai bolady.
«Qazir kelisimdi kúshine engizý boiynsha jumys júrip jatyr. Jaqyn ýaqytta iske asady dep kútemiz. Bul otandyq kompaniialar úshin eksportty ulǵaityp, Mońǵoliiamyn birlesken jobalardy iske qosýǵa jol ashady»,- deidi Aijan Bijanova.
Kelesi qadam - Qazaqstannyń tranzit múmkindikterin paidalaný. Bul Mońǵoliiaǵa júk jetkizýdi jyldamdatyp, jańa baǵyttarǵa shyǵýǵa jol ashady. Sonyń ishinde EAEO, Kavkaz, Túrkiia jáne Eýropa naryqtary bar.
Saýda missiiasy Mońǵoliia Prezidenti Ýhnaagiin Hýrelsýhtyń Qazaqstanǵa sapary qarsańynda ótip jatyr.
