فوتو: اشىق دەرەككٶز
قازاقستان مەن تٷركييا اراسىنداعى اۋىل شارۋاشىلىعى ٶنٸمدەرٸنٸڭ تاۋار اينالىمى 2025 جىلدىڭ قورىتىندىسى بويىنشا 25%-دان استام ٶسٸپ, شامامەن $360 ملن-عا جەتتٸ, سونىمەن قاتار اگروٶنەركەسٸپتٸك كەشەندە $1 ملرد-تان استام سوماعا بٸرلەسكەن ينۆەستيتسييالىق جوبالار جٷزەگە اسىرىلۋدا, دەپ حابارلايدى Ult.kz قر اۋىل شارۋاشىلىعى ۆيتسە-مينيسترٸ ەرمەك كەنجەحانۇلىنا سٸلتەمە جاساپ.
ۆيتسە-مينيستر اتاپ ٶتكەندەي, ەكٸ ەل اراسىنداعى ىنتىماقتاستىق ستراتەگييالىق سيپاتقا يە جەنە تۇراقتى ٶسٸمدٸ كٶرسەتٸپ كەلەدٸ. تٷرٸك نارىعىنا قازاقستاندىق ەكسپورتتىڭ نەگٸزٸن دەندٸ جەنە دەندٸ-بۇرشاقتى داقىلدار قۇرايدى. 2025 جىلى بۇرشاق داقىلدارىن جەتكٸزۋ 395 مىڭ تونناعا جەتتٸ. ەرمەك كەنجەحانۇلى قازاقستان وسى ٶنٸمنٸڭ ەكسپورتىن ۇلعايتۋعا نيەتتٸ ەكەنٸن اتاپ ٶتتٸ. بۇل, سونىڭ ٸشٸندە ەگٸس القاپتارىن ەرتاراپتاندىرۋمەن جەنە دەندٸ-بۇرشاقتى داقىلدار ٶندٸرٸسٸنٸڭ ۇلعايۋىمەن بايلانىستى.
«قازاقستاندا اۋىل شارۋاشىلىعى داقىلدارىن ەرتاراپتاندىرۋ اياسىندا بٸز دەندٸ-بۇرشاقتى داقىلدار ٷشٸن ەگٸس القاپتارىن ۇلعايتىپ جاتىرمىز. سوندىقتان تٷرٸك تاراپىمەن كەلٸسسٶزدەر شەڭبەرٸندە دەندٸ-بۇرشاقتى داقىلداردى جەتكٸزۋ كٶلەمٸن ۇلعايتۋعا دايىن ەكەنٸمٸزدٸ مەلٸمدەدٸك. جالپى, تٷرٸك سەرٸكتەستەر تاراپىنان قىزىعۋشىلىق بار جەنە ورتاق ىنتىماقتاستىق اياسىندا بٸز وسى باعىتتا ودان ەرٸ جۇمىس ٸستەيتٸن بولامىز», — دەپ اتاپ ٶتتٸ ول.
سونداي-اق مال شارۋاشىلىعى ٶنٸمدەرٸن ەكسپورتتاۋ بٶلٸگٸندە دە ٷلكەن ەلەۋەت بار. قازٸرگٸ ۋاقىتتا قازاقستاندىق سيىر ەتٸن جەتكٸزۋ ٷشٸن تٷرٸك نارىعىن زەردەلەۋ جۇمىستارى جٷرگٸزٸلۋدە. ۆيتسە-مينيستردٸڭ ايتۋىنشا, بۇل شەتەلدٸك نارىقتاردا وتاندىق ٶنٸمنٸڭ قاتىسۋىن ەدەۋٸر كەڭەيتۋگە مٷمكٸندٸك بەرەدٸ.
ەكٸجاقتى ىنتىماقتاستىقتا ينۆەستيتسييالىق ٶزارا ٸس-قيمىل ماڭىزدى رٶل اتقارادى. سوڭعى جىلدارى قازاقستان مەن تٷركييا شامامەن $400 ملن بولاتىن 10-عا جۋىق جوبانى جٷزەگە اسىردى. بۇل نەگٸزٸنەن اۋىل شارۋاشىلىعى ٶنٸمدەرٸن ٶندٸرۋ مەن ٶڭدەۋدٸ, سونداي-اق كونديتەرلٸك ٶنٸمدەر شىعارۋدى قامتيدى.
سونىمەن قاتار, قازٸرگٸ ۋاقىتتا بٸرقاتار ٸرٸ ينۆەستيتسييالىق جوبالار جٷزەگە اسىرىلۋدا.
«قازٸرگٸ ۋاقىتتا بٸز قۇنى $2 ملرد بولاتان بەس ٸرٸ ينۆەستيتسييالىق جوبانى جٷزەگە اسىرۋ بويىنشا جۇمىس ٸستەپ جاتىرمىز. بۇل جوبالار ٶزدەرٸڭٸزگە بەلگٸلٸ, شىمكەنت قالاسىندا 500 گەكتار الاڭداعى "Alarko Holding" كومپانيياسىنىڭ جىلىجاي كەشەنٸ. جوبانىڭ بٸرٸنشٸ كەزەڭٸ ٸسكە قوسىلدى, بٷگٸنگٸ تاڭدا اتالعان جوبانىڭ ەكٸنشٸ كەزەڭٸ جٷزەگە اسىرىلۋدا», — دەدٸ ەرمەك كەنجەحانۇلى.
استانادا Tiryaki Agro كورپوراتسيياسى تاعى بٸر جوبانى جٷزەگە اسىرۋدا, بۇل – قۋاتى جىلىنا 250 مىڭ توننا استىقتى تەرەڭ ٶڭدەۋ زاۋىتى. جوبا تەرەڭ ٶڭدەۋدٸ جەنە جالپى قايتا ٶڭدەۋ سەكتورىن دامىتۋعا, ٶنٸمنٸڭ قوسىلعان قۇنىن ارتتىرۋعا باعىتتالعان. سونداي-اق الماتىدا Iskefe Holding كومپانيياسى تاماق ٶنەركەسٸبٸنە ارنالعان جەلاتيندٸ قوسا العاندا, جىلىنا 7 مىڭ تونناعا دەيٸن ٶنٸم شىعارا وتىرىپ, مال تەرٸسٸن تەرەڭ ٶڭدەۋ جوباسىن جٷزەگە اسىرۋدا.
ۆيتسە-مينيستر تاراپتار جاڭا باستامالاردى تالقىلاۋدى جالعاستىرىپ جاتقانىن ايتتى. اتاپ ايتقاندا, تٷرٸك كومپانيياسىنىڭ قاتىسۋىمەن قانت زاۋىتىن سالۋ تۋرالى كەلٸسسٶزدەر جٷرگٸزٸلۋدە.
بۇدان باسقا, قازاقستان مەن تٷركييا اگرارلىق عىلىم, بٸلٸم بەرۋ جەنە عىلىمي-تەحنيكالىق ەزٸرلەمەلەر سالاسىنداعى ىنتىماقتاستىقتى دامىتۋدا. ٶزارا ٸس-قيمىل عىلىمي-زەرتتەۋ ينستيتۋتتارى مەن اگرارلىق ۋنيۆەرسيتەتتەر دەڭگەيٸندە جٷزەگە اسىرىلادى.
