فوتو: اقوردا
پرەزيدەنت قاسىم-جومارت توقاەۆ تٷرٸكمەنستان حالك ماسلاحاتىنىڭ تٶراعاسى گۋربانگۋلى بەردٸمۇحامەدوۆپەن بەيرەسمي كەزدەسۋ ٶتكٸزٸپ, گاز سالاسىنداعى سەرٸكتەستٸكتٸ كەڭەيتۋ, ناقتى ايتقاندا, قازاقستان تاراپىنىڭ شەتەلدٸك سەرٸكتەستەرمەن بٸرگە گالكىنىش كەن ورنىن يگەرۋ جوباسىنا قاتىسۋ مەسەلەسٸنە مەن بەردٸ, دەپ حابارلايدى Ult.kz.
مەملەكەت باسشىسى «تۋرگۋندي – گەرات – كانداگار – سپين-بۋلداك» تەمٸر جول قۇرىلىسىنىڭ جوباسىنا نازار اۋدارىپ, اتالعان جوبا تابىستى جٷزەگە اسسا, كٶلٸك باعىتتارىن ەرتاراپتاندىرۋعا, ەكسپورت نارىقتارىن كەڭەيتۋگە جول اشاتىنىن ايتتى.
سونىمەن قاتار سولتٷستٸك – وڭتٷستٸك باعىتىنداعى ترانزيت ەلەۋەتٸن ارتتىرۋدا «قازاقستان – تٷرٸكمەنستان – يران» تەمٸر جول ماگيسترالى مەن قۇرىلىسى جٷرٸپ جاتقان «تٷرٸكمەنباشى – گارابوگاز – قازاقستان شەكاراسى» اۆتوكٶلٸك جولى ماڭىزدى رٶل اتقارادى.
بۇدان بٶلەك, كەزدەسۋدە بٸلٸم بەرۋ, تسيفرلاندىرۋ سالالارىنداعى ٶزارا تيٸمدٸ ىقپالداستىق مەسەلەلەرٸ تالقىلاندى.
قازاقستان تاراپى تٷرٸكمەنستانعا مەملەكەتتٸك قىزمەتتەردٸ تسيفرلاندىرۋ, سونداي-اق IT-مامانداردىڭ بٸلٸكتٸلٸگٸن ارتتىرۋ ٸسٸندە جان-جاقتى كٶمەك كٶرسەتۋگە دايىن ەكەنٸن جەتكٸزدٸ.
