16 جاسقا دەيٸنگٸ قازاقستان مەن رەسەيدٸڭ جاسٶسپٸرٸمدەر قۇراماسى اراسىندا ٶتكەن شاحماتتان حالىقارالىق ونلاين ماتچ مەرەسٸنە جەتتٸ. جارىستىڭ جالپى قورىتىندىسى 45:31 ەسەبٸمەن رەسەيلٸك شاحماتشىلاردىڭ پايداسىنا شەشٸلدٸ, دەپ حابارلايدى "ۇلت اقپارات" قازاقستان شاحمات فەدەراتسيياسىنا سٸلتەمە جاساپ.
جەڭٸس تۇعىرىنان كٶرٸنە الماسا دا, بٸزدٸڭ شاحماتشىلار سوڭىنا دەيٸن تاباندىلىق كٶرسەتٸپ, قىزىقتى ويىن ٶتكٸزدٸ.
رەسەي قۇراماسىندا ۆولودار مۋرزين (11,5 ۇپاي), قازاقستان قۇراماسىندا نٶگەربەك قازىبەك (7,5 ۇپاي) ٷزدٸك نەتيجە كٶرسەتتٸ. قىزدار اراسىندا رەسەيلٸك لەيا گاريفۋللينا (8,5 ۇپاي), قازاقستاندىق مەرۋەرت قاماليدەنوۆا (9 ۇپاي) جوعارى كٶرسەتكٸشكە قول جەتكٸزدٸ.
ايتا كەتەيٸك, جەكپە-جەكتەردٸڭ بٸرٸندە مەرۋەرت رەسەيلٸك ەڭ مىقتى جاسٶسپٸرٸم ۆولودار مۋرزيندٸ جەڭدٸ.
ەر كوماندادا 16 جاسقا دەيٸنگٸ 5 شاحماتشى بولدى.
قازاقستان قۇراماسى اتىنان نٶگەربەك قازىبەك, اڭسات الدييار, جٷكەنوۆ ايتۋار, بالاباەۆا كسەنييا جەنە مەرۋەرت قاماليدەنوۆا قاتىستى. رەسەي قۇراماسىنان مۋرزين ۆولودار, ماكاريان رۋديك, تسۆەتكوۆ اندرەي, گاريفۋللينا لەيا جەنە ياكيموۆا مارييا ٶنەر كٶرسەتتٸ.
16 جاسقا دەيٸنگٸ ۇلدار مەن قىزدار اراسىنداعى قازاقستان مەن رەسەي قۇرامالارى اراسىنداعى جولداستىق كەزدەسۋ 2020 جىلعى 7 ماۋسىمدا نۇر-سۇلتان ۋاقىتى بويىنشا ساعات 19:00-دەن 21:00-گە دەيٸن Lichess.org ويىن پلاتفورماسىندا ٶتتٸ.
