16 jasqa deiingi Qazaqstan men Reseidiń jasóspirimder quramasy arasynda ótken shahmattan halyqaralyq onlain match máresine jetti. Jarystyń jalpy qorytyndysy 45:31 esebimen reseilik shahmatshylardyń paidasyna sheshildi, dep habarlaidy "Ult aqparat" Qazaqstan shahmat federatsiiasyna silteme jasap.
Jeńis tuǵyrynan kórine almasa da, bizdiń shahmatshylar sońyna deiin tabandylyq kórsetip, qyzyqty oiyn ótkizdi.
Resei quramasynda Volodar Mýrzin (11,5 upai), Qazaqstan quramasynda Nógerbek Qazybek (7,5 upai) úzdik nátije kórsetti. Qyzdar arasynda reseilik Leia Garifýllina (8,5 upai), qazaqstandyq Merýert Qamalidenova (9 upai) joǵary kórsetkishke qol jetkizdi.
Aita keteiik, jekpe-jekterdiń birinde Merýert reseilik eń myqty jasóspirim Volodar Mýrzindi jeńdi.
Ár komandada 16 jasqa deiingi 5 shahmatshy boldy.
Qazaqstan quramasy atynan Nógerbek Qazybek, Ańsat Aldiiar, Júkenov Aitýar, Balabaeva Kseniia jáne Merýert Qamalidenova qatysty. Resei quramasynan Mýrzin Volodar, Makarian Rýdik, Tsvetkov Andrei, Garifýllina Leia jáne Iakimova Mariia óner kórsetti.
16 jasqa deiingi uldar men qyzdar arasyndaǵy Qazaqstan men Resei quramalary arasyndaǵy joldastyq kezdesý 2020 jylǵy 7 maýsymda Nur-sultan ýaqyty boiynsha saǵat 19:00-den 21:00-ge deiin Lichess.org oiyn platformasynda ótti.
