قازاقستان مەن رەسەي «بايكال» كٶپ ماقساتتى ۇشاق جاساۋ بويىنشا عىلىمي-زەرتتەۋ جەنە تەجٸريبەلٸك-كونسترۋكتورلىق جۇمىستاردى ورىنداۋ تۋرالى كەلٸسٸمشارتقا قول قويدى, دەپ حابارلايدى قازاقپارات.
كەلٸسٸمگە قازاقستاندىق اۆياتسييا يندۋستريياسىنىڭ باس ديرەكتورى دانييار امانگيلدين مەن «ورال ازاماتتىق اۆياتسييا زاۋىتى» اق باس ديرەكتورى ۆاديم بادەحا قول قويدى. ٸس-شارا ماكس-2021 حالىقارالىق اۆياتسييالىق-عارىش سالونى الاڭىندا ٶتتٸ.
«بۇل كەلٸسٸمگە قول قويۋ – بٸرٸنشٸ كەزەكتە, قازاقستاننىڭ رەسەيمەن بٸرلەسٸپ اۆياتسييا سالاسىن دامىتۋ نيەتٸن كٶرسەتەتٸن قادام. سوڭعى جىلداردا رەسپۋبليكامىز قول جەتكٸزگەن تەحنولوگييالىق دامۋ بٸزگە وسى جوباعا ٶز ٷلەسٸمٸزدٸ قوسۋدا بەلگٸلٸ بٸر رٶلگە يە بولۋعا مٷمكٸندٸك بەرەدٸ», - دەپ اتاپ ٶتتٸ د.امانگيللين.
ٶز كەزەگٸندە ۆ. بادەحا «بايكال» بۇل ورتالىق قالالاردان الىس ورنالاسقان جەرگٸلٸكتٸ جەلٸلەردە جۇمىس ٸستەۋگە ارنالعان جاڭا ەمبەباپ ايماقتىق ۇشاق ەكەنٸن ايتتى.
بۇعان دەيٸن ماكس-2021 الاڭىندا العاش رەت «بايكال» لمس-901 كٶپ ماقساتتى جەڭٸل ۇشاعى تانىستىرىلدى. تۋربوبۇراندالى ۇشاقتىڭ كرەيسەرلٸك جىلدامدىعى 300 كم/ساع, ۇشۋدىڭ ەڭ جوعارى قاشىقتىعى –
