2021 جىلعى 15 ماۋسىمدا ونلاين-فورماتتا «قازاقستان – پولشا» ىنتىماقتاستىق جٶنٸندەگٸ پارلامەنتتٸك توپ مٷشەلەرٸنٸڭ كەزدەسۋٸ ٶتتٸ, دەپ حابارلايدى پولشا رەسپۋبليكاسىنداعى قازاقستان رەسپۋبليكاسىنىڭ ەلشٸلٸگٸنٸڭ باسپاسٶز قىزمەتٸ.
قازاقستان دەلەگاتسيياسىن پارلامەنت مەجٸلٸسٸنٸڭ زاڭناما جەنە سوت-قۇقىقتىق رەفورما كوميتەتٸنٸڭ حاتشىسى سنەجاننا يماشەۆا, پولشا دەلەگاتسيياسىن – ەقىۇ پارلامەنتتٸك اسسامبلەياسى جانىنداعى پولشا رەسپۋبليكاسىنىڭ سەيمٸ جەنە سەناتى دەلەگاتسيياسىنىڭ تٶراعاسى باربارا بارتۋشش باسقاردى. سونىمەن قاتار, كەزدەسۋ بارىسىندا قازاقستان رەسپۋبليكاسى پارلامەنتٸ مەجٸلٸسٸنٸڭ حالىقارالىق ٸستەر, قورعانىس جەنە قاۋٸپسٸزدٸك كوميتەتٸنٸڭ تٶرايىمى ايگٷل قۇسپان سٶز سٶيلەدٸ.
تاراپتار قازاقستان مەن پولشا پارلامەنتتەرٸنٸڭ اعىمداعى زاڭ شىعارۋ قىزمەتٸن تالقىلادى, «COVID-19» كوروناۆيرۋسىنىڭ تارالۋىنا قارسى ٸس-قيمىل جٶنٸندەگٸ شارالار تۋرالى اقپارات الماستى, سونداي-اق ەكٸ ەل اراسىنداعى پارلامەنتارالىق ٶزارا ٸس-قيمىلدى نىعايتۋ جٶنٸندەگٸ ۋاعدالاستىقتارعا قول جەتكٸزدٸ.
اتاپ ايتقاندا, قازاقستاندىق دەپۋتاتتار قازاقستان پرەزيدەنتٸ قاسىم-جومارت توقاەۆ باستاماسىمەن جٷرگٸزٸلگەن ساياسي جەنە ەلەۋمەتتٸك-ەكونوميكالىق رەفورمالاردى جٷزەگە اسىرۋ بويىنشا قازاقستان پارلامەنتٸ مەجٸلٸسٸنٸڭ زاڭنامالىق قىزمەتٸ تۋرالى اقپارات ۇسىندى. پولشا پارلامەنتارييلەرٸ ازاماتتىق قوعامنىڭ ٶكٸلدەرٸ, ساراپشىلاردىڭ, ۇلتتىق قوعامدىق سەنٸم كەڭەسٸ (نسود) مٷشەلەرٸنٸڭ, ساياسي پارتييالاردىڭ قاتىسۋىمەن ەزٸرلەنگەن رەفورمالاردىڭ ٷش پاكەتٸ شەڭبەرٸندە جٷرگٸزٸلٸپ جاتقان زاڭ جوبالاۋ جۇمىسىمەن تانىستى.
ەكٸ تاراپ حالىقارالىق الاڭداردا, ونىڭ ٸشٸندە ەۋروپالىق پارلامەنت, ەۋروپا كەڭەسٸنٸڭ پارلامەنتتٸك اسسامبلەياسى, ەقىۇ پارلامەنتتٸك اسسامبلەياسى شەڭبەرٸندە, پولشانىڭ 2022 جىلى ەقىۇ-عا تٶراعالىق ەتۋٸن ەسكەرە وتىرىپ, ودان ەرٸ سىندارلى ٶزارا ٸس-قيمىل جاساۋعا دەگەن نيەتٸن اتاپ ٶتتٸ.
كەزدەسۋ قورىتىندىسى بويىنشا پولشانىڭ پارلامەنتارالىق ىنتىماقتاستىق توبىنىڭ مٷشەلەرٸنە تاياۋ بولاشاقتا قازاقستانعا ساپارمەن كەلۋگە شاقىرىلدى. ەكٸجاقتى بايلانىستاردىڭ جاندانۋىنا 2021 جىلعى 10 ماۋسىمنان باستاپ «LOT» پولياك اۆياكومپانيياسى ارقىلى نۇر-سۇلتان مەن ۆارشاۆا اراسىنداعى تۇراقتى تٸكەلەي رەيستەردٸڭ جاڭعىرتىلۋى ىقپال ەتەتٸندٸگٸ قاناعاتتانۋشىلىقپەن اتاپ ٶتٸلدٸ.
قازاقستان رەسپۋبليكاسىندا تۇراتىن جەنە ەكٸ ەل اراسىنداعى «دەنەكەر كٶپٸر» رەتٸندە تابىلاتىن پولياك دياسپوراسىنىڭ ماڭىزدى رٶلٸ اتاپ ٶتٸلدٸ. پولياكتاردى قازاقستانعا دەپورتاتسييالاۋدىڭ باستالۋىنىڭ 85 جىلدىعى اياسىندا پولشا پارلامەنتشٸلەرٸ تاريحتىڭ قيىن كەزەڭٸندە قازاق حالقىنىڭ پولياك قونىس اۋدارۋشىلارىنا كٶرسەتكەن كٶمەگٸ ٷشٸن ريزاشىلىقتارىن بٸلدٸردٸ.
پولشا دەلەگاتسيياسىنىڭ مٷشەلەرٸ قازاقستان رەسپۋبليكاسى تەۋەلسٸزدٸگٸنٸڭ 30 جىلدىعىنا بايلانىستى جىلى لەبٸزدەرٸن بٸلدٸردٸ.
