فۋتبولدان قازاقستان ۇلتتىق قۇراماسى 2018 جىلعى ەلەم چەمپيوناتىنىڭ ٸرٸكتەۋ كەزەڭٸندەگٸ العاشقى كەزدەسۋٸن پولشا قۇراما كومانداسىمەن ٶتكٸزٸدٸ.
4 قىركٷيەك كٷنٸ «استانا ارەنا» ستاديونىندا ٶتكەن ماتچ 2:2 ەسەبٸمەن تەڭ اياقتالدى.
ماتچتىڭ بٸرٸنشٸ تايمى پولياكتاردىڭ باسىمدىعىمەن ٶتتٸ. ويىننىڭ 9-مينۋتىندا پولشا قۇراماسىنىڭ جارتىلاي قورعاۋشىسى بارتوش كاپۋستكا ەسەپ اشتى. ال 35-مينۋتتا قورعاۋشى ەلدوس احمەتوۆ ٶزٸنٸڭ ايىپ الاڭىندا روبەرت لەۆاندوۆسكيگە قارسى ويىن ەرەجەسٸن بۇزدى. نەتيجەسٸندە قازاقستان كومانداسىنىڭ قاقپاسىنا پەنالتي بەلگٸلەنٸپ, قارسىلاستاردىڭ كاپيتانى ەسەپ ايىرماسىن ەكٸ گولعا جەتكٸزدٸ.
ەندٸ ويىن ٶرنەگٸنٸڭ ٶزگەرەتٸنٸنە كٶپ ادامنىڭ سەنە قويماعانى دا بەلگٸلٸ. الايدا, ەكٸنشٸ تايمدا قازاقستان قۇراماسى شيراق قيمىلداپ, پولياكتاردىڭ قاقپاسىنا ەكٸ گول سوقتى. ماتچتىڭ 51-مينۋتىندا سەرگەي حيجنيچەنكو العاشقى گولدى سوقسا, 58-مينۋتتا دۋبل جاساپ, ەسەپتٸ تەڭەستٸردٸ.
ۇلتتىق قۇراما كەلەسٸ ماتچىن سىرت الاڭدا چەرنوگورييا قۇراما كومانداسىمەن ٶتكٸزەدٸ.
