Fýtboldan Qazaqstan ulttyq quramasy 2018 jylǵy Álem chempionatynyń irikteý kezeńindegi alǵashqy kezdesýin Polsha qurama komandasymen ótkizidi.
4 qyrkúiek kúni «Astana Arena» stadionynda ótken match 2:2 esebimen teń aiaqtaldy.
Matchtyń birinshi taimy poliaktardyń basymdyǵymen ótti. Oiynnyń 9-minýtynda Polsha quramasynyń jartylai qorǵaýshysy Bartosh Kapýstka esep ashty. Al 35-minýtta qorǵaýshy Eldos Ahmetov óziniń aiyp alańynda Robert Levandovskige qarsy oiyn erejesin buzdy. Nátijesinde Qazaqstan komandasynyń qaqpasyna penalti belgilenip, qarsylastardyń kapitany esep aiyrmasyn eki golǵa jetkizdi.
Endi oiyn órneginiń ózgeretinine kóp adamnyń sene qoimaǵany da belgili. Alaida, ekinshi taimda Qazaqstan quramasy shiraq qimyldap, poliaktardyń qaqpasyna eki gol soqty. Matchtyń 51-minýtynda Sergei Hijnichenko alǵashqy goldy soqsa, 58-minýtta dýbl jasap, esepti teńestirdi.
Ulttyq qurama kelesi matchyn syrt alańda Chernogoriia qurama komandasymen ótkizedi.
