قازاقستان پرەزيدەنتٸ قاسىم-جومارت توقاەۆ ٶزبەكستان پرەزيدەنتٸ شاۆكات ميرزييوەۆپەن تەلەفون ارقىلى سٶيلەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىلارى ورتالىق ازيياداعى احۋال جٶنٸندە پٸكٸر الماسىپ, ستراتەگييالىق ماڭىزى زور ٶڭٸردەگٸ قاۋٸپسٸزدٸكتٸ, تۇراقتىلىقتى جەنە ٶركەندەۋدٸ قامتاماسىز ەتۋ ماقساتىندا اۋقىمدى ەرٸ جەمٸستٸ ىنتىماقتاستىققا ەكٸ تاراپتىڭ دا مٷددەلٸ ەكەنٸن ناقتىلادى.
ەكٸ ەلدٸڭ ٷكٸمەتتەرٸ ٶزارا ساۋدا-ەكونوميكالىق, گۋمانيتارلىق ىنتىماقتاستىقتىڭ نەگٸزگٸ مەسەلەلەرٸن شەشۋ بويىنشا كەلٸسٸلگەن جۇمىستاردى جالعاستىرا بەرەدٸ.
قاسىم-جومارت توقاەۆ الماتى ەۋەجايى ماڭىندا ورىن العان ەۋە اپاتىنان ادامداردىڭ قازا بولۋىنا بايلانىستى كٶڭٸل ايتقانى ٷشٸن ٶزبەكستان باسشىسىنا ريزاشىلىعىن بٸلدٸردٸ.
پرەزيدەنتتەر بٸر-بٸرٸن كەلە جاتقان ناۋرىز مەرەكەسٸمەن قۇتتىقتاپ, قازاقستان مەن ٶزبەكستان حالىقتارىنا باق-بەرەكە تٸلەدٸ.
