قازاقستاننىڭ ەنەرگەتيكا مينيسترلٸگٸ بەلارۋستٸڭ "بەلنەفتەحيم" كونتسەرنٸنەن مۇناي تاسىمالداۋ بويىنشا ٶتٸنٸش تٷسكەنٸن حابارلادى.
- "بەلنەفتەحيم" مينيسترلٸككە ٶتٸنٸش تٷسٸردٸ. بۇل ۆەدومستۆو ٶكٸلدەرٸ تاسىمالداۋ مەسەلەسٸن تالقىلاۋ ٷشٸن قازاقستانعا كەلمەكشٸ. قازٸرگٸ كەزدە تٷرلٸ باعىت بويىنشا مۇناي تاسىمالداپ جاتىرمىز جەنە بەلارۋس جاعىنىڭ ۇسىنىسىن قاراستىرامىز, - دەدٸ قازاقستاننىڭ ەنەرگەتيكا مينيسترٸ نۇرلان نوعاەۆ 15 قاڭتاردا.
ونىڭ ايتۋىنشا, ەگەر مۇناي كومپانييالارى بەلارۋس تارابىنىڭ شارتتارىمەن كەلٸسسە, تاراپتار كەلٸسٸمگە قول قويۋى مٷمكٸن. نوعاەۆتىڭ ايتۋىنشا, بەلارۋس دەلەگاتى قازاقستانعا 20 قاڭتاردا كەلۋدٸ جوسپارلاپ وتىر.
بيىل رەسەيمەن مۇناي تاسىمالداۋ بويىنشا كەلٸسٸمگە كەلە الماعان بەلارۋس قازاقستاننان بٶلەك ۋكراينا, پولشا, ەزەربايجان جەنە بالتىق ەلدەرٸنە مۇناي ساتىپ الۋ تۋرالى ۇسىنىس جاساعان.
بىلتىر قازان ايىندا قازاقستانعا كەلگەن بەلارۋس پرەزيدەنتٸ الەكساندر لۋكاشەنكو بەلارۋستٸڭ قازاقستاننان مۇناي يمپورتتاۋعا مٷددەلٸ بولىپ وتىرعانىن جەتكٸزگەن. قازاقستاننىڭ سول كەزدەگٸ ەنەرگەتيكا مينيسترٸ قانات بوزىمباەۆ "مۇناي جەنە مۇناي ٶنٸمدەرٸن تاسىمالداۋ جٶنٸندە كەلٸسٸمنٸڭ نەگٸزگٸ شارتتارىن جاسادىق" دەپ مەلٸمدەگەن.
قازاقستاننان مۇناي تاسىمالداۋ تۋرالى ۇسىنىستى لۋكاشەنكو العاش رەت 2019 جىلى مامىر ايىندا مينسكٸدە قازاقستان ەلشٸسٸمەن كەزدەسۋ كەزٸندە ايتقان. سەۋٸر ايىندا "درۋجبا" قۇبىرى ارقىلى رەسەيدەن تاسىمالداناتىن مۇنايدان لاس ٶنٸمدەر انىقتالىپ, بەلارۋس مۇناي تاسىمالداۋدى توقتاتقان. قازاقستان ەلشٸسٸمەن كەزدەسۋدە لۋكاشەنكو مينسكٸنٸڭ مۇناي ٶڭدەيتٸن زاۋىتتارىنا جان-جاقتان مۇناي ٶنٸمدەرٸن جەتكٸزگٸسٸ كەلەتٸنٸن ايتقان. ال ەلشٸ ەرمۇحامەد ەرتٸسباەۆ قازاقستان بەلارۋستى مۇنايمەن قامتاماسىز ەتۋگە دايىن, تەك ول ٷشٸن رەسەيمەن كەلٸسۋ كەرەك دەگەن.
ەكٸ اپتاعا جۋىق ۋاقىت بۇرىن مەسكەۋ كٷتپەگەن جەردەن بەلارۋسكە مۇناي تاسىمالداۋدى توقتاتقان. ساراپشىلاردىڭ ايتۋىنشا, بەلارۋس باعانى ارزانداتۋدى سۇراسا, رەسەي مۇنىمەن كەلٸسپەيدٸ. بۇعان دەيٸن مينسك شيكٸزات تاسىمالداۋدىڭ بالاما جولدارىن ٸزدەيتٸنٸن مەلٸمدەگەن.
