قازاقستاندا كوروناۆيرۋس ٸندەتٸ كەزٸنە كادر تاپشىلىعىن شەشۋ ٷشٸن 30 مىڭ مەديتسينا قىزمەتكەرٸ قوسىمشا كۋرستان ٶتتٸ. بۇل تۋرالى قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ ايتتى, دەپ حابارلايدى "ۇلت اقپارات".
«پاندەمييا جاعدايىندا كادر قاجەتتٸلٸگٸن شەشۋ ٷشٸن دەنساۋلىق ساقتاۋ مينيسترلٸگٸ ٶزەكتٸ مەسەلەلەر بويىنشا 30 مىڭ مەديتسينا قىزمەتكەرٸنە قوسىمشا كۋرستار ٶتكٸزدٸ. سونىمەن قاتار مەديتسينالىق جوعارى وقۋ ورىندارىنىڭ وقىتۋشىلارى مەديتسينا قىزمەتكەرلەرٸ ٷشٸن تۇراقتى تٷردە ۆەبينارلار ٶتكٸزۋدە. سوڭعى 4 ايدىڭ ٸشٸندە رەسپۋبليكالىق بيۋدجەت قاراجاتى ەسەبٸنەن جۇقپالى اۋرۋلاردىڭ ەپيدەميولوگيياسى جەنە بيوقاۋٸپسٸزدٸك, ينفەكتسييالىق ەمەس اۋرۋلاردىڭ الدىن الۋ جەنە تيٸمدٸ ەمدەۋ كۋرستارى بويىنشا 5 مىڭنان استام مەديتسينا قىزمەتكەرٸ دايىندىقتان ٶتتٸ. مەديتسينا كادرلارىن قايتا دايارلاۋ كۆوتاسى بويىنشا وسى جىلدىڭ 1 تامىزىنان باستاپ 45 ەپيدەميولوگپەن تولىقتىرىلدى. 1 قاراشاعا تامان تاعى دا 205 ەپيدەميولوگ پەن 165 جەدەل مەديتسينالىق جەردەم دەرٸگەرٸمەن تولىعاتىن بولادى», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
سونىمەن قاتار ونىڭ ايتۋىنشا, بيىلعى جىلعا ارنالعان بٸلٸم بەرۋ تاپسىرىسى اياسىندا جۇقپالى اۋرۋلار, انەستەزيولوگييا مەن رەانيماتولوگييا ماماندىقتارى بويىنشا 200 جەنە 240 كٶلەمٸندە مەملەكەتتٸك بٸلٸم بەرۋ گرانتتارىن ۇلعايتۋ كٶزدەلگەن. رەسەيلٸك مامانداردى تارتا وتىرىپ, «COVID-19-دىڭ بارلىق كەزەڭٸندە كٶمەك كٶرسەتۋ» تاقىرىبى بويىنشا سىرقاتتانۋشىلىق جوعارى 4 ٶڭٸردٸڭ 200 مەديتسينا قىزمەتكەرٸ وقىتىلعان.
«ەرينە, كەز كەلگەن دەرٸگەردٸ دايىنداۋ ٷشٸن ۋاقىت كەرەك. دەگەنمەن, ٸندەت ونى كٷتپەيدٸ. سوندىقتان مەديتسينا قىزمەتكەرلەرٸنٸڭ سانىن ارتتىرۋ ٷشٸن وسىنداي قادامدارعا باردىق», - دەدٸ باعدات قوجاحمەتوۆ.
