مەجٸلٸستٸڭ جالپى وتىرىسىندا «قازاقستان رەسپۋبليكاسىنىڭ ٷكٸمەتٸ مەن قىرعىز رەسپۋبليكاسىنىڭ ٷكٸمەتٸ اراسىنداعى ٶتەۋسٸز ەسكەري-تەحنيكالىق كٶمەك كٶرسەتۋ تۋرالى كەلٸسٸمدٸ راتيفيكاتسييالاۋ تۋرالى» زاڭ جوباسى ماقۇلداندى, دەپ حابارلايدى قازاقپارات.
قازاقستان ٷكٸمەتٸ مەن قىرعىزستان ٷكٸمەتٸ اراسىنداعى ٶتەۋسٸز ەسكەري-تەحنيكالىق كٶمەك كٶرسەتۋ تۋرالى كەلٸسٸم 2021 جىلعى 2 ناۋرىزدا نۇر-سۇلتان قالاسىندا جاسالعان.
«كەلٸسٸم قىرعىز تاراپىنا ەسكەري مٷلٸكتٸ, اتاپ ايتقاندا, وق-دەرٸلەر مەن ارنايى جابدىقتى بٸر رەت بەرۋدٸ كٶزدەيدٸ. قازاقستان تاراپى ەسكەري مٷلٸكتٸ قىرعىز رەسپۋبليكاسىنىڭ قوي-تاش ەلدٸ مەكەنٸنە دەيٸن اۆتوموبيل كٶلٸگٸمەن جەتكٸزۋدٸ قامتاماسىز ەتٸپ, وعان بايلانىستى بارلىق شىعىستى ٶزٸ كٶتەرەدٸ», - دەدٸ قر قورعانىس مينيسترٸنٸڭ ورىنباسارى رۋسلان شپەكباەۆ.
ونىڭ ايتۋىنشا, قىرعىز جاعى قازاقستاننان العان ەسكەري مٷلٸكتٸ, ونى پايدالانۋ قۇقىعىن ٷشٸنشٸ تاراپقا بەرمەيدٸ.
«ەسكەري مٷلٸكتٸ قىرعىزستانعا بەرۋ قازاقستاننىڭ جاۋىنگەرلٸك ەزٸرلٸگٸ مەن قورعانىس قابٸلەتٸنە ىقپال ەتپەيتٸنٸن اتاپ ٶتۋ قاجەت», - دەدٸ شپەكباەۆ.
