©حك "مەتاللۋرگ"
قازاقستان "مەتاللۋرگ" قۇراماسىنىڭ قورعاۋشىسى الەكسەي ماكليۋكوۆ گاگارين كۋبوگىندا "اۆانگاردقا" قارسى ويىندا اۋىر جاراقات الدى, - دەپ حابارلايدى Tengrinews.kz تٸلشٸسٸ Vesti.kz سايتىنا سٸلتەمە جاساپ.
ماتچتىڭ ٷشٸنشٸ كەزەڭٸندەگٸ 47-مينۋتتا ومبى كلۋبىنىڭ شابۋىلشىسى ارسەنيي گريتسيۋكتٸڭ سوققىسىنان كەيٸن شايبا ماكليۋكوۆتىڭ باسىنا تيدٸ.
ماكليۋكوۆ ماتچتى جالعاستىرا المادى, كەزەكشٸ جەدەل جەردەم دەرٸگەرلەرٸ ونى زەمبٸلمەن الىپ كەتتٸ.
بۇل سەرييانىڭ سوڭعى ماتچى بولدى. وسى ويىنعا دەيٸن قارسىلاستار ٷش مەرتە جەڭٸسكە جەتتٸ. نەتيجەسٸندە "مەتاللۋرگ" قۇراماسى تروفەيدٸڭ قازٸرگٸ يەسٸن 4:0 ەسەبٸمەن جەڭدٸ.
كەيٸن قۇرامانىڭ باس باپكەرٸ يليا ۆوروبەۆ باسىنا شايبا تيگەن الەكسەي ماكليۋكوۆتىڭ جاعدايى تۋرالى ايتتى.
"ماكليۋكوۆتىڭ جاعدايى جاقسى, ٶمٸرٸنە قاۋٸپ تٶنٸپ تۇرعان جوق. قازٸر اۋرۋحانادا جاتىر, تيٸستٸ شارالار قابىلدانىپ جاتىر. لەشا دەنساۋلىق تٸلەيمٸن جەنە ادالدىعىڭ ٷشٸن كٶپ راقمەت", - دەدٸ ۆوروبەۆ.
حوككەي جۋرناليسٸ دميتريي ەرىكالوۆ ٶزٸنٸڭ Telegram ارناسىندا ماكليۋكوۆتىڭ اۋرۋحاناعا جەتكٸزٸلگەنٸ تۋرالى جازدى.
